طالبة فيديو التخرج بأسيوط: كل البنات كانت بترقص إشمعنا أنا وأبويا لما شاف الفيديو كان فخور بيا.. ولو حد كلمني على خاص بدل ما يكتبلي كومنت سخيف مكنتش هزعل..لو اليوم رجع تاني أنا هرقص بجد تاني بجد

تواصل موقع "بصراحة الإخباري" مع طالبة فيديو التخرج بكلية التربية الرياضية بجامعة أسيوط، للكشف عن تفاصل الفيديو المنتشر لها بعد حفل تخرجها، خلال الآونة الماضية. 

طالبة فيديو التخرج: لو حد بعتلي رسالة ونصحني أحسن ما كان كتبلي كومنت سخيف

وقالت:" مكنتش هزعل لو حد كلمني على خاص بدل ما يكتبلي كومنت سخيف مكنتش هزعل، وأنا روحت الحفلة متأخرة وبروح كل حفلة متأخرة علشان كدا ملحقتش البرومو بتاع الحفلة". 

وأضافت:" البدلة اللي كنت لابسها كانت محتشمة جدًا والحركات اللي كنت بعملها غريبة شوية أنا ولا هزيت ولا ميلت ". 

وواصلت:" أنا زعلت من الكومنتات لإنها زعلت أهلي قوي لأن أهلي ميستحقوش كدا ولو فضلنا على الحال دا مش هنطور". 

طالبة فيديو التخرج بأسيوط: ممكن تشموني لكن متشتموش أهلي 

واستكملت في تصريحات خاصة لـ موقع بصراحة:" ممكن تشتموني أنا لكن متشتموش أهلي رغم إني معملتش حاجة غلط خالص".
وأشارت إلى أن:" في واحدة من النوبة كانت بترقص نوبي في حفل التخرج بتاعها وفستانها كان مكشوف ومفتوح ومحدش اتكلم عليها خالص والناس كلها سكفتلها إشمعنا أنا". 

“أنا اديت التليفون لبنت أختي علشان تصورني وفي الأول كنت متوترة وكنت بقول لأصحابي أنا هطلع إزاي وهمشي إزاي وحاسة العين هتبقى عليا، أهم حاجة في اليوم إني لبسي يكون حلو والميكب يكون بسيط". 

طالبة فيديو التخرج: كل البنات كانت بترقص إشمعنا أنا وأبويا لما شاف الفيديو كان فخور بيا

وفي نفس السياق، كشفت طالبة فيديو التخرج بكلية التربية الرياضية بأسيوط، عن تفاصيل يوم تخرجها كاشفة بعض التفاصيل عن الفيديو الذي انتشر  على السوشيال ميديا كالنار في الشهيم، مثيرًا الكثير من الجدل والإثارة بين المتابعين. 
وقالت:" أنا بلوجر بس مش أول بلوجر في أسيوط؛ لأن سمعت الناس كلها بتقول أول مرة أشوف بلوجر في أسيوط، أنا اعرف بلوجرات كتير ومنهم ناس صحابي ". 

وأضافت:"الفيديو ميعبنش خالص أنا واحدة بتخرج وصاحب الشركة اللي صورنا قالي الفيديو بتاعك حلو جدًا وأعملك منشن ليكي".

                     
وواصلت:" بعد الفيديو ما انتشر البنات كانت بتقول هي ماشية كدا ليه هي واخدة برشامة صراصير وبعد ما شوفت الكومنتات كلمت الشركة اللي صورتنا تمسح الفيديو علطول".  

واستكملت:“أنتوا لو ناس محترمين تشتموا بالأهل أصلا وأنا مش أول واحدة رقصت وأسيوط بدأت تطور شوية شوية ومحدش يقولي عادات وتقاليد علشان أنا مغلطش”.  

واختتمت:"كل البنات كانت بترقص إشمعنا أنا وأبويا لما شاف الفيديو كان فحور بيا، ومحدش يقولي عادات وتقاليد علشان أنا مغلطش ولو اليوم رجع تاني أنا هرقص بجد علشان دا مكنش رقص أصلا ".