شيرين عبد الوهاب تتهم شقيقها في بلاغ رسمي بالاستيلاء على صفحاتها بمواقع التواصل الاجتماعي

تقدم المحامي ياسر قنطوش، دفاع الفنانة شيرين عبد الوهاب، ببلاغ للنائب العام ضد شقيق الفنان لاتهامه باستغلال توكيل قديم كانت شيرين مضت عليه بموجب الأخوة بينهما، وتعاقد مع محمد الشاعر دون علمها والذي استولى على السوشيال ميديا الخاصة بها.

شيرين عبد الوهاب تقدم بلاغ ضد شقيقها

وأوضح قنطوش في بلاغه، أن شقيق الفنانة شيرين استغل التوكيل واستولى على صفحات مواقع التواصل الاجتماعي للفنانة شيرين دون الرجوع إليها.

وتابع قنطوش، أن شقيق الفنانة شيرين عبد الوهاب تصرف في حقوقها بشكل غير مناسب، فاضطرت لاتخاذ الإجراءات القانونية اللازمة ضده.

وخرجت الفنانة شيرين عبد الوهاب عن صمتها بعد أزمة التسجيلات الصوتية المسربة لطليقها حسام حبيب، واعتذرت لجمهورها بشأن التحدث عن مشاكلها.

شيرين عبد الوهاب تفجر مفاجأة عن أزمة حسام حبيب وشقيقها 

وقالت شيرين عبد الوهاب:«أنا فوجئت بالي حصل على السوشيال ميديا من محمد أخويا وحسام وحبيت، وأردت التأكيد أن كلام حسام مظبوط جدًا وأخويا فعلا باعني، التصريح اللي نزل نزل من محامي محمد اللي مستولي على السوشيال ميديا ومضاله على عقد بيخليه يستفيد من السوشيال ميديا بتاعتي، وفيه أغاني جميلة جدًا جدًا عاملينها وشوية حاجات بتخلص عشان المشاكل مع الشركة المنتجة، لأن في حد كمان قاصد يقعدني في البيت وبنخلص الحاجات دي».

واستكملت:«عايزاكم متصدقوش أي حاجة من محمد عبد الوهاب وإن شاء الله الأغاني لما تنزل تعجبكم، بالرغم من أن المحكمة حكمت والقضاء المصري أن عقدي انتهى مع روتانا لكن هم لسه رافعين قضايا وموقفين الدنيا كلها وأنا واثقة في قضاء بلدي، واضطريت أرد لأني لقيت السوشيال ميديا مقلوبة، مش عايزة أضايقكم لإني عارفة ان كل واحد فيكم عنده مشاكل وهموم، وكل شوية شيرين شيرين والفترة اللي فاتت مكانش ليا تصريحات وانتوا أهلي وسندي وبتردوا غيبتي وبتقفوا لي وكمان بعد إذنكم في بيان رسمي في مكتب المحامي قنطوش وياريت ما تصدقوش غير البيانات اللي بتبقى تصريح مني شخصيا غير كده دي أكاذيب بشكركم يا حباييي وربنا يخليكم ليا»