«انقذوا شيرين عبد الوهاب».. رسائل دعم من نجوم الفن والإعلام لـ «صوت مصر» بعد أزماتها الأخيرة

حرص عدد كبير من الفنانين والإعلاميين على توجيه رسالة دعم لفنانة شيرين عبد الوهاب، ذلك بعد أزمة التسجيلات الصوتية المسربة لطليقها حسام حبيب وشقيقها.

نستعرض لكم في السطور التالية رسائل دعم لـ شيرين عبد الوهاب من خلال حسابتهم الشخصية بمواقع التواصل الاجتماعي المختلفة:-

-جيني كامل:-

وكتبت جيني منشور دعم لـ شيرين عبد الوهاب، على حسابها الشخصي بموق التواصل الاجتماعي الفيسبوك:«كلمتين حق لوجه الله، شيرين عبد الوهاب من أكثر الشخصيات اللي شوفتها في الوسط الفني طيبة وجدعة وبسيطة، شقيت كتير من طفولتها ومحدش له فضل عليها غير موهبتها ونفسها، بل بالعكس لها أفضال على ناس كتير وبدون مقابل، كل ده لازم يتقال في حق واحدة عمري ولا عمرها ما كان لنا مصالح مع بعض بتحبني وبحبها من غير شروط».

-تامر عاشور 

وكتب تامر عاشور منشور على حسابه الشخصي بموقع التواصل الاجتماعي الانستجرام: «كل اللي أقدر أقوله في موضوع شيرين عبد الوهاب أن مفيش كلمة واحدة بس من اللي اتقالت وانتشرت صح.. أنا قريب من أهل شيرين ووالدتها وأخوها،أنا برضه أقولها إني بحبها وكل الدنيا بتحبها وتحب فنها.. أهل شيرين مظهروش في حياتها آخر سنتين تلاتة.. أهل شيرين هم أهل شيرين من زمان، كل نجاحات شيرين كانت وسط أهلها وناسها اللي يشيلوها من على الأرض شيل».

أضاف عاشور حديثه:«يا رب يبعد عنها كل خبيث وأناني وفاشل وممثل.. هي أطيب منهم كلهم وهم اللي وقعوها فكل مشاكلها (أنت بمن حولك) لو اللي حواليك فشلة غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة، أنا كلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها أساس من الصحة.. أهل شيرين هم هم أهل شيرين من زمان قوي.. بالعقل».

-عمرو أديب

علق عمرو أديب، عن أزمة شيرين عبد الوهاب وشقيقها، في برنامج “الحكاية”:«بسبب حبنا لشيرين بننزعج كلما اهتزت سفينتها الفنية"، شيرين مش عارفة تنتج فن بسبب أزماتها وليها فلوس عند شركة الإنتاج».

-أسما إبراهيم 

كتبت أسما إبراهيم في تدوينه عبر موقع التواصل الاجتماعي “إكس”، رسالة دعم لـ شيرين عبد الوهاب:«حبيبتنا كلنا عارفه انك بتواجهي الفترة اللي الأخيره ظروف صعبه كتير ممكن توقف اي شخص عن نجاحه، نصيحتي ليكي واللي بتمناها إنك تقفي علي رجليكي وتركزي في شغلك وجمهورك اللي بيحبك وتركيزك دائما يكون علي بناتك اللي هيدوكي القوه انك تكملي وتبعدي عن أي مشاكل حواليكي».