معجزة بكل المقاييس.. فتاة تعود لأهلها بعد 30 سنة من الهروب بسبب حلقة لـ منى الشاذلي

نشر المهندس رامي الجبالي مؤسس صفحه أطفال مفقوده قصة جديدة عن عودة طفلة لاهلها بعد 30 سنة من الغياب بسبب حلقتها مع الإعلامية منى الشاذلي.
 

وكتب على صفحته الشخصية على موقع التواصل الاجتماعي فيس بوك "طيب بصي بقي يا ست منى الشاذلي Mona Elshazly بفضل الله و بفضل الحلقه بتاعتك ايه اللي حصل بعد أكثر من ٣٠ سنه.

الطفلة تهرب من منزل شقيقتها إلى القاهرة

وأضاف الجبالي: في دمنهور طفله عندها ٧ سنين قاعده عند اختها الكبيره في البيت، إبن اختها قال لها إن ماما لما هترجع هتضربك.

وتابع الجبالي الطفله اللي عمرها ٧ سنين تخاف و تقرر تهرب خوفا من الضرب فتخرج من البيت مش عارفه تروح فين و تمشي لحد ما تركب القطار من دمنهور و تلاقي نفسها في القاهره ... تمشي من محطه القطار لحد ما توصل لسوق خضار تقعد ترتاح فيه.

الطفلة تعمل في سوق الخضار بالقاهرة

وأكمل الجبالي: عاشت الطفله في سوق الخضار  و تشتغل في السوق لحد ما يبقي سنها سن الجواز، فيقرروا يستخرجوا لها شهاده ميلاد افتراضيه، و تتجوز راجل محترم يحبها و تعيش معاه و تخلف و يبقي عندها حياه و عائله.

منى الشاذلي تستضيف السيدة

اختتم الجبالي حديثه: ان نجلة السيدة شاهدت الحلقة التي استضافت فيها لإعلامية منى الشاذلي والدتها وتواصلت مع الصفحة وأرسلت صوره لمامتها و تقول لنا المعلومات اللي تعرفها عن مامتها و ننشر حكايتهن، بعد ٦ ساعات يجيلنا رساله مكتوب فيها “ احنا اهلها ”