خاص| والدة نورهان مشجعة الأهلي: مش مصدقة إني مش هشوفها تاني

قالت والدة نورهان مشجعة الأهلي التي لقيت مصرعها جراء حادث سير أمام ستاد برج العرب: “ نورهان كان طول عمرها بتقولي والله يا ماما هطلعك عمرة، دلوقتي أنا اللي هروح أعملها عمرة وادعيلها،  جنازتها كانت شبه الزفة ومكنتش عارفة امشي من كتر الناس اللي بتحبها وتدعيلها”.

وأضافت والدة نورهان في لايف خاص لموقع “بصراحة الإخباري”،: “لو اتكلمت عن نورا 100 سنة الكلام مش هيخلص، كانت بتقولي الأهلي دا نور عيني وكل حياتي وأفديه بروحي، مش مصدقة إن مش هشوفها تاني”.

وتعود تفاصيل الواقعة، عندما قررت جهات التحقيق التحفظ على سائق السيارة المتسبب في حادث مصرع فتاتين من مشجعي النادي الأهلي، كما طلبت سرعة تحريات المباحث حول الواقعة، وإجراء تحليل مخدرات للسائق، انتداب الطب الشرعي لبيان سبب الوفاة، وتفريغ كاميرات المراقبة في محل الحادث، وأيضا استجواب شهود العيان.

جدير بالذكر أن، الفتاتين مشجعتين للنادي الأهلي، وتعرضوا لحادث سير أمام ستاد برج العرب، بعد خروجهما من مباراة الأهلي أمام الاتحاد، وتوفيتا عقب الوصول لمستشفى العامرية.