بائع غزل البنات لـ بصراحة: جبت طبق فراخ مجمد بالدين علشان ولادي يأكلوا في العيد عشان مش معايا أجيب لحمة

تحدث بائع غزل البنات في تصريحات خاصة لـ موقع بصراحة، عن واقعة رميه للحلاويات، مساء الجمعة الماضي، والتي أثارت جدلًا كبيرًا على مواقع التواصل الاجتماعي. 

وقال:" بطلع الشغل كل يوم من الساعة 6 الصبح لحد 12 بالليل، ولو اشتغلت كويس في اليوم بعمل 50 لـ 100 أو 150جنيه". 

وأضاف:" رميت الحلاوة في الأرض علشان مبعتش بأي فلوس، وأنا راجع البيت اشتريت طبق فراخ مجمد بالشكك علشان ولادي يأكلوا في العيد"

وتابع" أنا نفسي نعيش ونموت مستورين وحاجات البيت تكون موجودة، ومكنتش عارف إني في حد بيصورني وممسكتش 500 جنيه في إيدي". 

واستكمل:" روحت البيت مشي علشان مكنش معايا جنيه واحد وزعلت من ربنا قوي،و كنت عايز أجيب لحمة لمراتي وعيالي وزعلت لما محدش اشترى مني".