عدلي القيعي يكشف سبب فضل ضم ميدو للأهلي

كشف عدلي القيعي، رئيس شركة الكرة بالنادي الأهلي، عن مفاجأة بشأن مفاوضات الأهلي مع أحمد حسام ميدو، في فترة من الفترات.

وقال القيعي في برنامج «الكورة مع فايق» المذاع عبر قناة «إم بي سي مصر 2»: «اتكلمت معاه مرة وهو صغير في السن، لكن بعدها سافر للاحتراف وانضم لمنتخب مصر فلم ينجح الأمر».

ورد ميدو خلال نفس الحلقة قائلا: «شيء عظيم جدا، حتى لو أنت بتنتمي لمكان تاني، إن المنافس بتاعه اللي أنت بتحترمه جدا، يبقى مهتم بيك، ويبقى عايزك، والموضوع ده اتكرر أكثر من مرة، أقربهم كانت مع محمود الخطيب ورجل الأعمال ياسين منصور، وجلسنا مع بعض وتناولنا وجبة العشاء».

وتابع: «كان من الصعب الانتقال للأهلي، لكن كنت سعيدا بمفاوضات الأهلي معي، مكدبش عليك يعني، الأهلي حاجة كبيرة جدا وحاجة عظيمة جدا، ولما يكون مهتم بيك الأهلي، زي ميكون أياكس مهتم بيك، أو بايرن ميونخ».

وعلق القيعي في النهاية: «أنا اتخضيت من الفكرة، لأن مين يقدر يدير ميدو؟، الراجل جاي غول من توتنهام، وطبعه إنسان مش سهل القيادة، وجاي من مكان كبير ومحقق كل حاجة، الفكرة مش فكرة تجيب لاعيب وبس، لاوم تعرف هتعمل معاه ايه، ميدو مينفعش يقول حاجة وتقوله لأ».