أحمد موسى يهاجم محافظة القليوبية: أيه الذكاء أنك تشيله وأنت قطعت الكهرباء يعني دي معلومة حصلت بالفعل

شن الإعلامي أحمد موسى، هجوما حادًا على محافظة القليوبية بعد حذف بيان نشرته عن زيادة قطع الكهرباء لـ 3 ساعات بدلا من ساعتين، قائلا: هو سر ما أنت حطيت البيان شيلته ليه؟!.

وتابع خلال تقديم برنامج على مسئوليتي، المذاع على قناة صدى البلد، «الناس أخدت البيان وشيرته على صفحاتهم، مضيفا: أيه الذكاء أنك تشيله وأنت قطعت الكهرباء يعني دي معلومة حصلت بالفعل.

وقال الإعلامي أحمد موسى، إن قطع الكهرباء سيكون لساعة زيادة عن المدة الموجودة حاليا، يعني الساعتين بقيوا 3 بس مش هيوصلوا 4، لأن كفاية كده وإن شاء الله ميكونش في تخفيف أحمال أصلا.

وأضاف الإعلامي أحمد موسى: القليوبية بقيت تريند بعد حذف البيان، معلقا: خوفت من إيه يعني، رد فعل الناس، طيب ما الناس في البيوت وهتشوف قطع الكهرباء.

وأشار إلى أن هناك 106 ملايين مصري يشتكون من أزمة انقطاع الكهرباء وتخفيف الأحمال، قائلا: نحن ننقل نبض الشارع لأن برنامج على مسئوليتي هو صوت الشارع.

وواصل: في خبر كويس كان النهارده معرفناش نفرح بيه، وهو زيادة احتياطي النقد الأجنبي إلى 46 مليار دولار وهو الرقم الأعلى في التاريخ وهذا رقم مهم جدا ويبين حجم ما تنجزه الدولة، لأن كنا وصلنا لـ 45 مليار دولار في 2020.