الناس زعلانة .. تعليق قوي من أحمد موسى عن زيادة ساعات تخفيف أحمال الكهرباء

علق الإعلامي أحمد موسى، على أزمة انقطاع الكهرباء في مصر، وزيادة ساعات تخفيف الأحمال في المحافظات، قائلًا: كنت أتمنى أن تكون الحكومة سباقة في موضوع انقطاع الكهرباء، وكان عليها أن تقوم بتنبيه المواطن بزيادة مدة انقطاع الكهرباء، ولا يجب أن تتركه يتفاجأ بالوضع".

وأضاف أحمد موسى خلال تقديم برنامج “على مسئوليتي”  المذاع على قناة صدى البلد، "الناس زعلانة بجد، وموضوع الكهرباء ضغط الناس أكتر، لإن فيه ناس كبيرة في السن وناس مريضة وطلاب وغيره محتاجين الكهرباء".

استهلاك مصر 34 ألف ميجاوات

وتابع: "استهلاك مصر 34 ألف ميجاوات، ويصل إلى 35 ألف ميجاوات مع ارتفاع درجات الحرارة، وتخفيف الأحمال يدور ما بين 2500 إلى 3000 ميجاوات، وقد يصل الحد الأقصى إلى 3500 ميجاوات".

وأوضح الإعلامي أحمد موسى، “من تحمل فاتورة الإصلاح الاقتصادي سوى المواطنين، إحنا عندنا محطات ممكن توصلنا لإنتاج يومي 60 ألف ميجاوات، ومشكلتنا في الوقود بـ 300 مليون دولار، عشان منزودش عن ساعتين”.

تخفيف أحمال الكهرباء عن المصانع 

وأردف: "اليوم يتم تخفيف أحمال الكهرباء عن المصانع كثيفة استهلاك الطاقة، من أجل دعم الكهرباء للمنازل، أومال هنعمل ايه؛ كل ده دلع، ده إحنا لسه مدخلناش فصل الصيف لحد دلوقتي، ودرجات الحرارة اللي بنشوفها اليومين دول دلع مقارنة بالدرجات اللي هنشوفها في الصيف".

تخفيف الكهرباء عن القرى لفترات طويلة

وأكمل الإعلامي أحمد موسى، من 2008 إلى 2010 كان يتم تخفيف الكهرباء عن القرى لفترات طويلة وبعض المدن بنسب بسيطة، فالمواطن يريد الكهرباء ولا يرغب في توقفها.

واستكمل: زمان كنا بنشوف حملات لترشيد استهلاك الكهرباء، ولكن اليومين دول مينفعش ومش هنلاقي الكلام ده، لأن معظم شركات الكهرباء تتجه لبيع إنتاجها بسبب المشكلات التي تعاني منها.

نصارح الناس

واختتم الإعلامي أحمد موسى: "يجب أن نصارح الناس، ولا بد أن يكون هناك أولوية بالحديث عن الأوضاع في الفترة المقبلة، ده فيه ناس مش عايزين عيش بس عايزين كهرباء، والحكومة الجديدة لديها أولوية في حل أزمة الكهرباء".أحمد موسى عن زيادة تخفيف الأحمال في الكهرباءالناس زعلانة بجد وموضوع الكهرباء ضغط الناس أكتر علشان فيه ناس كبيرة في السن وناس مريضة وطلاب محتاجها للنور ولازم الحكومة الجديدة تكون عندها الأولوية في حل الأزمة دي