تامر أمين لأولياء أمور طلاب الثانوية العامة: لموا من بعض وجيبوا مراوح لأولادكم في اللجان

ناشد الإعلامي تامر آمين أولياء أمور طلاب الثانوية العامة، قبل انطلاق ماراثون الامتحانات، وذلك خلال تقديم برنامجه «آخر النهار» المذاع على فضائية «النهار» مساء أمس الأحد.

وقال الإعلامي تامر أمين :«اتأكدوا أن كل لجنة فيها مراوح مع التوتر والضغط كمان ميكونش الجو حر عليهم»، وذلك في ظل الموجة الحارة التي تشهدها البلاد خلال الفترة الأخيرة.

تامر آمين يناشد أولياء أمور طلاب الثانوية العامة

وأضاف «اللجان اللي مفيهاش مراوح أولياء الأمور يلموا مع بعض ويجيبوا مراوح انتوا عارفين اللجان والمدرسة اللي أولادكم هيمتحنوا فيها لو مفيش مراوح اشتروا أنتوا المراوح».

وتابع «مستسناش الامتحانات تحصل بدأنا البشاير والجو حر ودرجة الحرارة هتوصل إلى 40، وشوفنا المعلمة اللي كانت بتهوي على الطلبة أثناء الامتحان لقطة موجعة بس مش هنستنى عايزين مروحة لكل فصل إذا كنا عايزين نتيجة عادلة».