«الجمهور ممكن يزعلك».. متحدث الزمالك يهاجم كهربا.. تعرف على السبب

هاجم الإعلامي أحمد سالم المتحدث الرسمي بنادي الزمالك عبر قناة الشمس اللاعب محمود عبدالمنعم كهربا نجم النادي الأهلي ومنتخب مصر 

وقال أحمد سالم:"جمهور الزمالك بيعتبر شيكابالا أسطورته , زي ما جمهور المصري بيعتبر مصعب نور أسطورته , زي ما جمهور الإسماعيلي بيعتبر علي أبوجريشة أسطورته , كل جمهور بيعتبر رمز معين هو اسطورته , زي ما أنت يا كهربا محمود الخطيب أسطورتك وأبوتريكة وبركات والشخصيات , ليه أنت جاي باصص في ديه وبتنظر على رأي غيرك"

وأضاف:"كهربا طلع من كام يوم مع سيف زاهر وقال أن شيكابالا كان هو اللي بيتكلم مع إمام عاشور وراحله وحتى لو ده حصل ليه تتكلم على لسان مش لسانك , أتعلم من أحمد حمدي لما طلع مع إبراهيم عبد الجواد وأتكلم برقي وإحترام ولما جت سيرة النادي الأهلي قال أنه دلوقتي بيلعب لنادي كبير زي نادي الزمالك وبيحترم الفترة اللي قضاها مع النادي الأهلي وإتربى داخل النادي الأهلي لمدة 16 سنة"

وأكمل حديثه قائلا:"وليه مش عايز تفهم الجماهير الزملكاوية ليه مثلا بتحترم قفشة رغم أنه السبب في حرمان الزمالك من التتويج ببطولة إفريقيا 2020 ولا عماد متعب ولا الرموز المحترمة ديه علشان لما بتيجي سيرة نادي الزمالك بيتكلموا بكل احترام وأدب"

وإختتم حديثه قائلا:" جمهور الزمالك فيه منه شرايح كتير , فيه الهادي وفيه العصبي وفيه كل الأنواع , ولا تأمن تصرف جمهور الزمالك , لأنه جمهور الزمالك ممكن يزعلك جامد أوي في أي وقت"