بعد نجاحها في مسلسل «حق عرب».. وفاء عامر: بتعالج عند دكتور نفسي

كشفت الفنانة وفاء عامر تفاصيل خضوعها لـ علاج نفسي بسبب شخصي صباح الجياش، في مسلسل «حق عرب»، الذي عرض في السباق الرمضاني 2024، وحقق نجاح كبير، بجانب كشف تفاصيل أصعب مشاهدها في العمل.

وقالت وفاء عامر، في لقائها مع الإعلامي عمرو الليثي في برنامج «واحد من الناس»:«أنا باخد أدوية نفسية بعد دوري في مسلسل حق عرب، وأنا أصلا ماشية مع دكتورة نفسية وده مش عيب، أنا بشوف المجتمع بيجرم أن حد يروح لطبيب نفسي، والدكتورة قالتلي لازم تروحي تعيشي شوية في جبل وفعلا روحت لوحدي عيشت في مكان قريب من جبل بعد الغردقة شوية علشان أفصل من شخصيتي في حق عرب، وارتاحت جدا».

كما كشفت وفاء عامر كواليس العمل مع الفنان رياض الخولي، بمسلسل حق عرب، معقبة: فيه مشاهد كتير صعبة، ورياض الخولي كان بيضربني بجد في المشاهد وأنا بتعافى لغاية دلوقتي، كان بيبقى منفعل وأنا مبشوفش، ولو كنت أعرف أنه هيضربني بجد مكنتش همثل، وهو كان بيضربني في غير مكان الضرب، يعني لو المفروض يضربني في الجملة الرابعة كان بيضربني في الثالثة أو الخامسة، وده كان بيطلع مني رد فعل أحسن لأني مببقاش متوقعة.

وأضافت وفاء عامر: دنيا المصري لما كانت بتقولي إيه ده هتضربيني بجد؟، أنتي مقاس إيدك 46.. أقولها لأ متخافيش، وكنت بضربهم علشان رد فعلهم يطلع أحلى.

وشارك في بطولة مسلسل حق عرب الفنان أحمد العوضي، الفنانة وفاء عامر، دينا فؤاد، رياض الخولي، كارولين عزمي، أحمد عبد الله، وليد فواز، وغيرهم، والعمل من تأليف محمود حمدان، وإخراج إسماعيل فاروق، ومن إنتاج شركة سينرجي