شوبير يوجه نصيحة لـ حسام حسن.. هات محمد صلاح واقعد معاه ومش عيب تعمل كدة

وجه الإعلامي أحمد شوبير، حارس مرمى الأهلي ومنتخب مصر السابق، نصيحة للثنائي حسام حسن المدير الفني لمنتخب مصر وشقيقه إبراهيم حسن مدير المنتخب بشأن التعامل مع محمد صلاح قائد منتخب مصر وليفربول الإنجليزي.

نصيحة شوبير لحسام وإبراهيم حسن 

وقال أحمد شوبير: «حسام حسن بيقول إن الكابتن الجوهري أبوه الروحي، فأنا بقول له ياريت تشوف كابتن الجوهري كان بيعمل إيه مع اللاعبين وبيعاملهم كأب مش مدرب، وإزاي كان بيقعد معاهم ويسمع كل مشاكلهم وكل حاجة عندهم وياخد رأيهم حتى في أمور المنتخب الفنية، وطبق ده في تعاملك مع محمد صلاح واللاعبين».

وأضاف شوبير: «أتمنى حسام حسن وإبراهيم حسن يجيبوا محمد صلاح ويقعدوا معاه ويقولوا له آدي القصة وآدي الحدودتة ويدوا صلاح قيمته ومكانته كقائد للمنتخب ونجم عالمي كبير، ومش عيب والله يا كابتن حسام تعمل كده».