«عناد وتكبر».. شوبير يشن هجوما قويا على إتحاد الكرة تعرف على السبب

شن الإعلامي أحمد شوبير عبر برنامج ملعب on time الذي يذاع على قناة on time sports هجوما قويا على مجلس إدارة الإتحاد المصري لكرة القدم 

وقال شوبير :"الإتحاد المصري فشل بكل جدارة في أنه يدير أي بطولة حتى لو بطولة بلي , قبل كده قولنا أنه حرام أن الماتشات تتلعب في الساعة 3 و 4 العصر 

فيعندوا أكثر ويعملوا ماتشات مهمة زي ماتشات الترقي في نفس التوقيت , والأدهى من كده أنه الماتشات بتتلعب من غير جماهير ولا كمان فيه عربية var موجودة علشان مبدأ تكافؤ الفرص بين كل الفرق , والنهاردة عينوا محمود البنا حكما للمباراة بين الترسانة وحرس الحدود , واحد من الحكام المهمين والمتميزين في مصر , لكنه جل من لا يخطئ , أي حد بيغلط , والفار ده بتاعك وملكك ومكنش فيه ماتشات النهاردة في الدوري الدرجة الأولى طيب ما تودي العربيات للماتشات ديه , ومحدش يقولي أعذار أصل الملعب وأوضة الفار والكلام ده , والملاعب معروفة وكلها مهيئة أنها تبقى فيها عربيات الفار علشان متحطش الحكم بتاعك في موقف حرج زي اللي حصل النهاردة في ماتش الترسانة والحرس وضربة الجزاء الغريبة اللي احتسبت النهاردة"

وأضاف شوبير:"إتحاد الكورة معاه فرصة أنه ينقذ ما يمكن إنقاذه في الجولات الجاية ومتبقي 5 جولات وديه ماتشات مهمة لازم نهتم بيها لأنها هتحدد مصير فريق واحد من 6 فرق , علشان كده نداء و إغاثة إلى الإتحاد المصري لكرة القدم بلاش عناد وتجبر وتكبر وإنزلوا معانا على أرض الواقع"