محمد محمود عن تعامل أحمد الفيشاوي مع زملائه بغرور:«معرفش مين اللي طلع الشائعة دي.. ده بيوزيع طاقة على الجميع في اللوكيشن»|خاص

أعرب الفنان محمد محمود عن سعادته بالمشاركة في فيلم «بنقدر ظروفك» بطولة أحمد الفيشاوي، مشيرا، أن الفيلم يحمل رسائل مهمة بشكل غير مباشر.

تفاصيل دور محمد محمود في فيلم بنقدر ظروفك

قال محمد محمود في تصريح خاص لـ موقع بصراحة الإخباري:«أنا سعيد بالمشاركة في فيلم بنقدر ظروفك، بحب المشاركة في الأفلام اللي تناقش رسائل بشكل غير مباشر، أنا بجسد دور والد أحمد الفيشاوي».

وأضاف:«الفيلم بيوجه رسالة للناس محدش يحمل نفسه فوق طاقته، لازم نقدر ظروف بعض، بلاش سياسية تخزين أشياء ليس لها وجه استفادة أو نفع منها، فيها أي لو كل شخص اشتري الأشياء اللي محتاجها الحياة هتبقي بسيطة».

أما عن كواليس العمل مع أحمد الفيشاوي، والاخبار اللي تردد عن معاملته مع الزملائه بالغرور:«من أجمل الكواليس اللي في حياتي، أحمد بيوزيع طاقة إيجابية لكل الناس في العمل، هو إنساء طبيعي وعادي وبسيط، معرفش مين اللي طلع عليه أنه مغرور، بالعكس هو بيحب الجميع ويتعامل معانا بتواضع».

أبطال فيلم بنقدر ظروفك 

وتدور قصة الفيلم حول تساؤل مضمونه: هل يصمد الحب في قلبي حسن وملك اللذان يعيشان في حارة فقيرة يتغذى أهلها على رجول وهياكل الفراخ، ويشترون المواد التموينية بالتمن والربع كيلو، وحين يقررون الخروج في مشوار يدفعون 2 جنيه مقابل رشة البرفان؟ وتشتري بناتها كريمات التجميل بمعلقة الايسكريم؟! فهل يصمد الحب في هذه الأجواء أم تطيح به مصاعب الحياة وتقلباتها ومؤامرات البشر؟.

فيلم "بنقدر ظروفك"يخوض بطولته النجوم أحمد الفيشاوي ومي سليم ونسرين طافش ومحمود حافظ ومحمد محمود وعارفة عبدالرسول وإبرام سمير وطاهر أبو ليلة، ويوسف وائل نور ويوسف الأسدي، ومشرف عام على الإنتاج محمد علاء الدين، ومن إنتاج شركة كولومبيا للإنتاج الفني، ومن تأليف سمير النيل وإخراج أيمن مكرم.