خاص| والدة سائق ميكروباص معدية أبو غالب: لو ابني مذنب يتحاكم المهم حق البنات

طالبت والدة السائق المتهم بالتسبب في وفاة أكثر من 17 فتاة في حادث معدية أبو غالب، عن طريق القتل الخطئ، بحق الفتيات حتى لو كان من نجلها المتهم.

وقالت والدة السائق في لايف خاص لموقع “بصراحة” الإخباري :" لو ابني السبب في موت البنات دول أنا موافقة إنه يتحاكم .. المهم إن حقهم يرجع لأن دول بناتي زي محمد .. قلبي واجعني على أمهاتهم وبقولهم بنتك شهيدة العمل وأكل عيشها".

حادث معدية أبو غالب

وأكدت :" لو ابني مذنب يتحاكم المهم حق البنات يرجع لأنهم طالعين على أكل عيشهم وقلبي واجعني عليهم".

وتابعت :" ابني مبياخدش أي نوع مخدر ولو شم ريحة الدخان بيتعب، وكل الأهالي عارفين هو بيخاف على البنات دول زي اخواته .. ومكانوش أمنوه ان يسيبوهم يطلعوا معاه في العربية".

وأضافت:" مفيش أم هتسيب بنتها تركب جنب ابني لو سلوكه وحش .. ده كان معاه 26 بنت مفهمش راجل واحد".