أحمد السقا : بسبب فيلم " السرب " فقدت السمع لمدة 10 أيام

استضيفت الإعلامية إنجى علي الفنان أحمد  السقا مساء أمس  فى برنامج “ أسرار النجوم ” المُذاع على نجوم إف إم، و تم تكريمه خلال الحلقة و ذلك عن دوره فى فيلم “ السرب” و مسلسل “ العتاولة ” .

و تحدث الفنان أحمد السقا عن كواليس فيلم السرب قائلًا “  مشهد تحرير السبايا، المفروض إني أفجر قنبلة في الباب وأحرر السبايا وأخرج، وفي واحد لم يتم إخطاره بحدوث الانفجار، وحصلت فرقعة افتكرتها القنبلة وروحت داخل راحت العبوة فرقعت فيا أنا” 

و أردف حديثه “ تعاملت مع الموقف بهدوء جدًا وقولتلهم محدش يقرب ليا وقاعدت أحرك ايدي وجسمي ولقيت إني تمام قولتلهم أنا كويس خلاص، كنت بقف تحت الطيارات على الممر ومن صوتها  الشديد قعدت 10 أيام فاقد السمع، وأنا بلعب رماية وعارف يعني إيه ضرب النار ولكن كنت فاكر إني بمسك البندقية وبضرب خلاص ولكن اكتشفت إن في طريقة لضرب النار وقعدت اتعلمتها بالفعل مع ظباط وخدت فرقة معاهم، أنا راجل مش سياسي ومتفرج ولكن بحب تراب بلدي وأموت نفسي عليها واللي ياجي تحت تراب مصرأكل أحشائه، ولو قالولي تعالى عالجبهة هكون هناك."

و اختتم “ أنا مبحبش السفر ولما بطلع الطيارة بيجيلي إحباط، ومرة اتمسكت في أمريكا بسبب إني رجعت تاني يوم وكنت رايح أشوف خالي فشوفته وقولتلته أنا مروح واحجزلي تذكرتي والظابط في المطار شك فيا وقالي مكملتش 24 ساعة وعملولي تحقيقات، والمطارات كلها حفظوا شكلي إني راجل مجنون بيجي ويروح”