نجوم يرفعون شعار «اغلقوا أوبر» بعد تكرار وقائع التحرش والخطف

تكرر الفترة الأخيرة واقعة تعدى سائقين أوبر على الفتيات و آخرهم واقعة فتاة التجمع مما آثار غضب العديد من الفنانين، مما جعلهم يطلقون حملة ضد شركة أوبر عبر مواقع التواصل الاجتماعى و فى هذا التقرير المُبسط سيكشف موقع بصراحة الإخبارى عن أبرز الفنانين الذين شاركوا بالحملة .

عمرو أديب 

انفعل الإعلامى عمرو اديب مساء أمس فى برنامجه “ الحكاية ” بعد واقعة التعدى حيث علق “ إبن مين فى مصر أوبر دى..  هوا مين اللي بيراقب عليها، فيه عصابات داخل الشركة، البنت الأولانية ماتت ومحصلش حاجة، والنهاردة سيدة التجمع نجت بأعجوبة، الناس مرعوبة لا كشف على السائق ولا تأمين على الراكب، أوبر مفيش حد بيحاسبهم، أموت وأعرف الجهة المسؤولة عن الشركة..أوبر مش بتجيب ناس كويسة، ومش بيكشفوا عليهم.. الكلام ده لما بيحصل برة الدنيا بتتقلب، أتحدى حد يقولي مين الجهة المسئولة عن أوبر"، مناشدا النائب العام أن يتخذ موقف تجاه شركة أوبر، معلقا: “أوبر هى المسئولة،ولادنا اللي بيستخدموا أوبر يعملو إيه؟ هتتحركوا إمتى؟.. الناس بتموت!، أوبر شارية التطبيق التاني في مصر، فرحتي بجواب اعتذار من أوبر أمريكا”

صلاح عبد الله

 و على سياق أديب كان من أوائل المطالبة بمقاطعة و إغلاق تطبيق أوبر هو  الفنان القدير صلاح عبد الله عبر مواقع التواصل الاجتماعى حيث نشر  عبر موقع التغريدات  إكس حاليًا تويتر سابقًا “ بعد ما شفت حكاية عمرو أديب بعت رسالة لبناتي ومراتي في الجروب العائلي(إلغوا أوبر من حياتكم مهما كانت الظروف) فهل تصرفت صح "

عبير صبرى 

وناشدت عبير صبرى عبر موقع التواصل الاجتماعى فيس بوك “  هي اوبر دول مسؤوليه مين..يعني اللي بيشغلهم مين .. الكبير بتاعهم مين؟؟ هل هما شركه بتشتغل مع نفسها كده بيزنس خاص يعني ..وإذا كده فين الرقابه عليهم ؟ مفيش رقابه عليهم  ليه؟؟ ليه مفيش كاميرات في العربيات دي زي دبي في اي تاكسي  ولا البنات هتفضل  كل يوم يخطفوهم  ويموتوهم ويتحرشوا بيهم وويعتدوا عليهم ويغتصبوهم ؟؟؟؟ ازاي مفيش حل مع المجرمين دول لازم السواقين دول يكونوا تحت مسؤوليه وزاره الداخليه اقل شيء بعد الجرايم المتكرره دي أرجو ان تتضامن النساء في مصر للمطالبه بغلق هذا الابليكيشن  اغلقوا اوبر” 

ريم البارودى

و كتبت الفنانة ريم الباردوى عبر موقع التواصل الاجتماعى الفيديوهات و الصور عبر خاصية القصص قائلة “ أوبر محتاجين كام ضحية عشان يتحملوا المسؤولية ويطبقوا سياسات تحافظ على حياة وأمان الستات " 

لميس سلامة 

وعلقت الإعلامية لميس سلامة عبر موقع التواصل الاجتماعى فيس بوك عن الحادثة قائلة "  كارثة جديدة في أوبر تاني وتالت ورابع، ومحاولة التحرش بنت تحت تهديد السلاح، الشركة دي جابت آخرها في فشل تشغيلها..لا نظام ولا اهتمام ولا متابعة وكل يوم ضحية جديدة وسواقين فاشلين وشاربين ومتحرشين وعربيات متهالكة.. طيب وبعدين إيه الحل؟ أنا عن نفسي بطلت أستخدمها وكريم متتخيرش عنها وأنا شخصيًا ليا مواقف تقرف معاهم وكتبت هنا علي صفحتي كذا مرة، الشركات دي مش جاي من وراهم غير المشاكل ووجع القلب ليه بجد؟ بدل ما يكونوا مفيدين وينجزونا في التوصيل ويكونوا أمان لينا ولاولادنا بقوا مصدر رعب " 

برنامج الستات 

و انضم لحملة المقاطعة و إغلاق شركة أوبر الإعلامية سهير جودة و الإعلامية مفيدة شيحة فى برنامجهم الخاص “ الستات ” و أشادوا بمقترح الفنانة عبير صبرى .