اعترافات صادمة للمتهم بإنهاء حياة جواهرجي بولاق أبو العلا..خلصت عليه وسرقت سبايك دهب وغوايش من المحل وشربت قهوة بعد كده علشان أظبط دماغي وأهدى شوية

جريمة مآساوية ارتكبها فني مصاعد كهربائية في شهر فبراير الماضى ، حيث أقدم على قتل جواهرجي في منطقة بولاق أبو العلا وسرقة عدد من سبائك الذهب والغوايش وفر هاربا بعد ذلك، ولم يمر سوى 24 ساعة وتمكنت الأجهزة الأمنية من القبض عليه واعترف بارتكابه الجريمة بسبب مروره بأزمة مالية.

اعترفات المتهم بقتل جواهرجي بولاق أو العلا

اعترافات صادمة أدلى بها أمام جهات التحقيق حيث أكد أن كان يعاني من أزمة مالية طاحنة وولم يرسل أموال لزوجته وأبنائه منذ 6 أشهر.

وتابع المتهم اعترافاته انه قبل يوم الواقعة قرر سرقة أحد محلات الدهب وتوجه إلى الشارع المتواجد به محلات الذهب في بولاق أبو العلا، مضيفا عاينت المحلات واخترت محل الجواهرجي لانه كان متواجد بمفرده ومعه عامل واحد.

وأكمل المتهم اعترافاته تاني يوم رحت المحل بعد ما جهزت سكين وأخفيتها في ملابسي واتكلمت مع الجواهرجي وفهمته اني معايا وديعة بـ 350 ألف وكسرتها وعايز أشتري دهب، وطلبت من العامل المتواجد بالمحل أن يشتري لي علبة سجاير وبالفعل خرج العامل ولم يتواجد أحد في المحل سوى أنا والجواهرجي.

قتلت الجواهرجي وبعد كده قعدت عالقهوة

طلبت منه سبائك ذهب وغوايش حجم كبير وبالفعل الجواهرجي قام بإحضارهم وبعد ذلك طلبت منه أدخل الحمام وجهزت السكين وخرجت كان بيطلع في الدهب وغافلته وسددت ليه عدة طعنات في مناطق مختلفة من جسمه ولميت الدهب في شنطة كانت معايا وهربت.

واستكمل اعترافاته رحت قعدت على قهوة وشربت قهوة علشان أهدى شوية وأظبط دماغي وبعد كده رحت عند أختي واديتها خاتم ودبلة وقولتلها دول بتوع واحد صاحبي  وطلبت منها تبيعه وباعتهم بحوالي عشرين الف جنيه واديتها ۱۵۰۰ جنيه بس هي متعرفش اني سارق الدهب.

وأشار المتهم خبيت السكينة في سقف معلق عندي في البيت، مضيفا قلعت البنطلون لانه كان عليه دم وحطيته في كوفر بدلة وحطيت معاهم بدلتين وجزمتين وبنطلونين جينز والشنطة كدة كدة مش بتفارقنى وروحت شارع ناهية علي نفس القهوة.

وتابع المتهم كلمت بنتي سلمى وطلبت منها تقابلني في وسط البلد وتاني يوم قابلتها وحولتلها 400 جنيه على فودافون كاش واشتريتلها عروستين لاخواتها واشترتلها هي واحدة وصلحت التليفون بتاعي لانه كان بايظ.

وأكمل المتهم اعترافاته اديت بنتي غويشتين دهب وسلسلة و3 حلقان لاخواتها الصغيرين وأمها اتصلت بيا سالتني عليها قولتلها تعالي وسط البلد خديها  قالتلي خلاص ماشي وفعلاً أمها جت وساعتها سلمى كانت لابسة الغويشة  المسح والسلسلة الذهب والسلسلة الرجالي اللي كنت لابسها وحلق مدور ومعاها الحلقين الصغيرين واديت لسلمى ۲۰۰ جنيه وقولتلها خدي اركبي بيهم حاجة عشان وانتي مروحة وقولت لمراتي خلي بالك بنتك لابسة حاجات ذهب.