كريم فهمي يعترف: روحت برنامج رامز جلال عشان الفلوس وكنت عارف المقلب

اعترف الفنان كريم فهمي بمعرفته بمقلب رامز جلال، خلال ذهابه  لبرنامج "رامز تحت الصفر"، لكنه ذهب بسبب المال.

وقال كريم فهمي خلال لقائه في برنامج "كتاب الشهرة" من تقديم علي ياسين عبر قناة "الجديد": "لما شاركت في برنامج رامز جلال كنت عارف المقلب بس مش منهم من زملاء راحوا البرنامج، رحت عشان الفلوس إيه المشكلة، بيدفع كويس، بس مش فاكر أخدت قد إيه".

وتابع كريم فهمي متحدثا عن رامز جلال: "أنا بحب برنامج رامز جلال جدا ويمكن أنجح برنامج في الوطن العربي وأعلى نسبة مشاهدة بقاله 10 سنين، يعني هو مش مجرد برنامج مقالب وبس لكن إن إنت تفضل ناجح 10 سنين وكل سنة تبقى رقم واحد في المشاهدة".

كريم فهمي يتحدث عن رأيه في شيخ الأزهر

كما تطرق الفنان كريم فهمي، عن رأيه في شيخ الأزهر، قائلا: "لا اتبعه في كل شيء، لا أوافقه ولا أعارضه، أنا أقرأ كثيرا في كل الفروع، وخصوصا في الدين، بس مقدرش اتناقش معك. 

وأضاف: لم أفكر في الإلحاد، وبالتأكيد يأتي لي الكثير من الأفكار والتساؤلات، مثل ليه أهالينا في فلسطين بيحصل فيهم كدة، نفسي ربنا يجازي الناس التانية، أنا عارف إن ربنا هيعمل حاجة وشايل حاجة في وقت ما، لأن ربنا هو من يكتب سيناريو البشرية، سيناريو هو الأدرى به، لكن أنا أستعجله.