عمر كمال يكشف لأول مرة تفاصيل نجاته من عملية سطو في أمريكا

كشف المطرب عمر كمال لأول مرة، تفاصيل نجاته من عملية سطو خلال وجوده في أحد البنوك بأمريكا، لافتتاح حساب دولاري ونجاته من الموت.

عمر كمال يكشف لأول مرة تفاصيل نجاته من عملية سطو في أمريكا
وأشار عمر كمال خلال لقائه مع الإعلامية أميرة بدر ببرنامج خلاصة الكلام على قناة النهار، إلى أنه كان في زيارة لأمريكا بعد أزمة كورونا بعام، ونصحه المترجم الذي كان يلازمه بأن يفتتح حسابا بأمريكا، وخلال ذهابه لأحد البنوك فوجئ بعملية سطو مسلح ونجا من الموت.

وأوضح عمر كمال: لما روحت أمريكا بعد كورونا بسنة مكنتش أعرف إنجليزي، وكان معايا راجل بيترجم ليا، ونصحني وقال لي هات ألف دولار وحطها في بنك أمريكي وافتح حساب وهتنفعك في الغلاء، وكنا في لوس أنجلوس وأنا هوسي في الحياة الأفلام الوثائقية، وكنت قرأت تقرير بيقول إن لوس أنجلوس فيها يوميًا 50 حالة سرقة لبنوك، لكن قلت استحالة ده يحصل فيا وكنت منبهر بالنظام.

أميرة بدر
وأضاف عمر كمال: كنت قاعد وماسك الموبايل لقيت راجل بيزعق مع الست اللي على الشباك، وضرب على الإزاز، والراجل اللي جمبي قال لي خلي بالك لو هتعرف تزحف وتطلع بره أو نام على بطنك وحط إيدك على راسك، قلت له ليه؟ قال لي الراجل ده معاه قنبلة وهيفجرها، وأنا كنت فاكر فيه مشكلة في الحساب، لكن كان بيقول لو محطتيش الفلوس هفجر الدنيا كلها.

عمر كامل: بعد الحادث قررت آخد كورسات إنجليزي
وواصل: قلت للراجل أنا ههرب وإنت كمان اعمل كدا، قال لي أنا بصور علشان لو نجينا هبيع الفيلم الوثائقي ده بفلوس كتير، وكانت ليلة واحتجزونا، وقعدنا بتاع أربع ساعات، والبوليس جه والراجل طلع مريض نفسي، ومن وقتها اتعلمت آخد كورسات إنجليزي الحمد، وما فتحتش الحساب في الآخر.

وأكمل: بقيت اتفرج على نتلفيكس كتير مؤخرًا والإنجليزي بتاعي اتحسن شوية ويمشيني.