مصري اسمه حسين.. دينا الشربيني تحسم الجدل حول قصة حبها الجديدة وتكشف هويته

كشفت الفنانة دينا الشربيني عن أمنيتها في إنجاب الأطفال، قائلة: زمان كان نفسي يبقى عندي 6 أولاد دلوقتي مش هلحق، أخري  2 يبقى كويس، لأننا أربع أخوات ثلاث بنات وولد لأني بحب العزوة.

وأضافت دينا الشربيني عبر برنامج  كلمة أخيرة الذي تقدمه الإعلامية لميس الحديدي، على شاشة  ON: طول عمرنا كان بيتنا مليان مش بس أنا واخواتي.. البيت كان زحمة قرايبنا وجيرانا وأنا بحب كده.

وعن سؤال امتى هتلبسي فستان الزفاف الأبيض وتبقي عروسة؟، أجابت قائلة: كله بوقته، وعن قصة الحب الجديدة التي تعيشها الآن قالت دينا الشربيني: بالفعل أنا بعيش قصة حب هو شخص بحبه جدا وجدع جدا وبحترمه للغاية، وبان أصله وقت فقدان أبي وأمي لأني من وقتها لسه مش مستوعبة رحيلهما.

دينا الشربيني تكشف هوية حبيبها

وعن الجدل المثار حول هوية من تحب، حسمت دينا الشربيني الأمر قائلة: شخص مصري خارج الوسط ومفيش أي حاجه صح أنه إعلامي معروف ومش مصري، دي شائعات وأنا معتادة أني ماردش على الشائعات أصل كل الناس هتقول فيه حاجات بتتكتب مقلتهاش وحاجات بيقولوا اتعملت معملتهاش، معلقة: أول حرف من اسمه حسين، ويعمل في مجال بيزنس عائلي وخارج الوسط تمامًا، وكان بينا أصدقاء مشتركين وكنا نعرف بعض وبنتقابل وسط أصحابنا في قعدات عادية حتى الارتباط.

وعن أهم ما أعجبها فيه قالت دينا الشربيني: محترم  وبيراعي ربنا ومتدين وجدع ولذيذ عاوز يعمل كل حاجة كمشاعر ودعم دون أن يظهر في الصورة، دائما بيبقى عينه عليا من بعيد، وعن عدم ظهوره معها، قالت: أبعد ما يكون عن الأضواء احنا شبه بعض في حاجات كتيرة بس مش بيحب الأضواء، ودي الحاجة الوحيدة اللي عكس بعض فيها، جايز في البداية كان مخضوض ومش فاهم لكن دلوقتي فهم.

وواصلت: مش بتابع الشائعات ودائما بدخل أشوفها بعد ما الحكاية تخلص لأن فيه فريق عمل ماسك السوشيال ميديا بتاعي، ماعنديش باسورد بتاع فيس بوك ولا تويتر فيه حد ماسكهم، وأنا بحب فقط إنستجرام وتيك توك.