نجوي إبراهيم تكشف سبب غيابها عن حضور الجنازات

علقت الإعلامية نجوي إبراهيم عن غضبها من تغطية جنازات وعزاء المشاهير والفنانين، مشيرا، أنهم لم يقدسوا حرمة الموقف.

قالت نجوي إبراهيم خلال برنامجها «بيت العز» المذاع على قناة «نجوم اف إم»،قائلا:«آخر مرة لما روحت كان عزاء أستاذتي “أمال فهمي"، جه حد ومعاه بنت وشدوني وسألوني تقولي ايه للمتوفاة؟».

وتابعت:«مسكت نفسي وبصيت في عينيهم ومشيت،قررت إن مش هاجي الحاجات دي لأن ده مش عزاء وخصوصا لما يروحوا لابسين و متشيكين وقاعدين،يتكلموا ويضحكوا.

في سياق أخر أثارت الإعلامية نجوى إبراهيم، الجدل بتصريحاتها عن فنانة كانت تستعين بماء البصل حتى تتمكن من البكاء في المشاهد التي كانت تستدعي ذلك.

وقالت نجوى إبراهيم في برنامجها "بيت العز" عبر إذاعة وقناة "نجوم FM: "زمان كان فيه ملكة الدموع مش هقدر أقول اسمها هتبقى فزورة، هي عندها أفلام جميلة جدا واتوفت من كام سنة، كانت بتعمل حاجة لذيذة أوي، لازم في أي حاجة فيها حزن تعيط، وتحط مايه بصل".

وتابعت نجوى إبراهيم: "كانت الست اللي بتساعدها يكون معاها طبق صغير فيه مايه بصل، تاخد في طرف صوبعها مايه البصل وكأنها بتمسح عينها تحط مايه البصل، فتبدأ شلالات الدموع".

واستعادت نجوى إبراهيم ذكرياتها مع فيلم "الأرض" وكيف تمكن الفنان الراحل محمود المليجي من البكاء دون أي عوامل مساعدة قائلة: "تجربتي أنا مع محمود المليجي في فيلم "الأرض" في المشهد قاعدين تحت الشجرة في الفيوم هو المفروض خارج من السجن بعد ما حلقوا شنبه، بتجري "وصيفة" اللي هي أنا أشوفه، لقيت اللي كان لسه قاعد بيضحك ويهزر قبل التصوير الدموع بتنط فوق الرمش وملاحظة أنه محطش لا بصل ولا جلسرين"