خاص| أيمن عباس لموقع «بصراحة»: مستشفى الناس هدفها تقديم خدمة طبية عالمية بالمجان.. بحلم أعالج كل أطفال مصر.. أسعد لحظة في حياتي لما تنجح عملية طفل ويمارس حياته طبيعي.. بقول للمصريين ادعمونا ولو بوردة
قال أيمن عباس أمين صندوق مؤسسة جود الخيرية، المشرفة على مستشفى الناس للأطفال، إن الهدف الأساسي للمشروع هو تقديم خدمة طبية عالمية لأبناء الشعب المصري بالمجان، وتخفيف آلامهم، خاصة مرضى القلب من الأطفال، مضيفا «أجمل حاجة في تخصص المستشفى هو إنك تشوف الفرحة اللي بتزرعها في الأهالي بعد نجاح عملية طفلهم وعودته لممارسة حياته بصورة طبيعية، فترسم البسمة من جديد على وجههم».
وأضاف عباس، في تصريحات خاصة لموقع «بصراحة»، أن رجل الأعمال خميس عصفور، هو من وضع أساس مشروع مستشفى الناس قبل وفاته، ومؤسسة جود استكملت المشوار، وكان لديها إصرار على تقديم خدمة على أعلى مستوى لأبناء المصريين، مشيرا إلى أنه يحلم باتساع المشروع وتعاظم قدراته في خدمة عدد أكبر من أبناء المصريين في ظل ارتفاع أعداد قوائم انتظار عمليات القلب للأطفال.
وأشار أمين صندوق مؤسسة جود الخيرية، إلى أنه يعتبر مشروع مستشفى الناس ملك لجميع المصريين للمشاركة به ودعمه ومساندته، قائلا «احنا بنقول المشروع ده بتاع الناس كلها والمجتمع كله وبابنا مفتوح اننا نتعرف على كل حد من دوره حابب يتعرف على المشروع ويتكلم عنه، وكل حد حابب وحاسس إن المشروع ده بتاعه، وهو ده اللي هيعمل استمرارية بتاعت مستشفى الناس».
ودعا عباس، إلى تكاتف كل محبي الخير ومن يملكون النوايا الحقيقية لخدمة المصريين، بالتكاتف على هدف واحد ودعم المؤسسات الخيرية الحقيقية، ومنها مستشفى الناس مما سيؤهلها لاستمرار تقديم خدماتها ومعالجة عدد أكبر من مرضى القلب.
وعن مبادرة 300 عملية قلب في شهر رمضان، أوضح عباس، أنها تجربة فريدة من نوعها تعبر عن قدرات مستشفى الناس وجميع العاملين بها، في تقديم خدمة حقيقية لأهالي الشعب المصري ومساندة أطفالهم، خاصة في شهر رمضان الكريم، وفرصة لمشاركة المجتمع معنا في أهدافنا، مضيفا «احنا قولنا نحاول نفرح 300 أسرة في رمضان، وده مجهود كبير جدا، وللي ميعرفش المستشفيات الكبيرة في أوروبا المتخصصة في القلب بتبدأ قدراتها بـ 300 عملية في السنة، واحنا قررنا نعمل ده في شهر».
وتابع أمين صندوق مؤسسة جود الخيرية، «احنا متعودين من المصريين على الجدعنة ولما بيتكاتفوا مع بعض بيحققوا المعجزات وواثق من مساندتهم للمشروع عشان يفرحوا باقي المصريين في الشهر الكريم»، مضيفا «الدعم مش كله فلوس بالعكس ده فضل من ربنا إنه خلانا نقدر ندعم بعض حتى بالابتسامة».
ووجه عباس، كلمة للشعب المصري، قائلا «احنا في شهر فضل وكرم، والمصريين أهل الكرم وطول عمرهم في ضهر بعض، بس بيبقوا عايزين يتحققوا من مصداقية المشروع، فبقولهم تعالوا وشوفوا على الطبيعة وادعموا الأطفال ولو بوردة، واطمنوا على المستوى الطبي بتاعنا وخدوا معانا ثواب مساعدة الغير».
اقرأ أيضا:
جوجل نيوز
واتس اب
جوجل نيوز
