محمد سامي: تفصيلة قلع الجزمة لنعمة الأفوكاتو وهي بتسوق خدتها من أمي

كشف المخرج محمد سامي عن تفاصيل شخصية "نعمة الأفوكاتو" ولماذا كانت تخلع حذائها أثناء قيادة السيارة، والشخصية الحقيقية التي أخذ منها هذه التفصيلة.

وقال محمد سامي خلال لقائه وأبطال مسلسل "نعمة الأفوكاتو" في برنامج "الحكاية" من تقديم عمرو أديب: "تفصيلة الجزمة دي من أمي، أمي زمان وأنا صغير مكنتش بتعرف تسوق بالجزمة كانت بتتعلم لسه، كانت التفصيلة دي مركزة معايا أول ما جيت أكتب أنا ومهاب طارق أول حاجة كنت مركز فيها تفصيلة الجزمة".

وتابعت مي عمر لتحكي: "لما محمد سامي جيه يكتب المسلسل وحكالي القصة أنا قلت له إني حابه أقدم السنة دي شعبي، عايزة محامية شعبية بتلبس لبس بسيط و"تربون"، وفي أول يوم تصوير لقيت نفسي بحرك "التربون" بطريقة معينة فمحمد سامي قالي حلوة نثبتها، وكلمة "يا لهوي" طلعت في التصوير".

وأكملت مي عمر: "الحقيقة محمد سامي لما بيكتب أي شخصية بتبقى متكاملة، زي النكت بالياباني والصيني دي كلمات بجد ومعناها "ملعون أبوكم".