مي عمر تكشف مفاجأة عن كواليس دفنها في المقابر بمسلسل نعمة الأفوكاتو

كشفت الفنانة مي عمر مفاجأة عن كواليس تصوير مسلسل نعمة الأفوكاتو، الذي عرض في السباق الرمضاني المنصرم 2024 وحقق نجاح واسع.

وقالت مي عمر خلال لقاءها ببرنامج الحكاية المذاع عبر قناة Mbc مصر: قعدت أصوت واعيط في مشهد دفني لأنها مقابر حقيقية وقولت لمحمد محمد سامي هو أنت ليه مراعتش مشاعري اني خايفة لازم تحس بالممثل أكتر من كده.

وتابعت مي عمر: الشتيمة بالياباني والصيني في نعمة الأفوكاتو حقيقية جيباها من جوجل.

وكانت كتبت مي عمر رسالة شكر لداعميها قائلة: أشكر السيد علاء مبارك، معالي الوزير أنس الفقي، النجم الكبير تامر حسني، النجمة الكبيرة أحلام، النجمه الكبيرة إلهام شاهين، الكاتب الكبير فهد العليوة، المخرج الكبير مجدي الهواري، الناقد الكبير طارق الشناوي، الدكتورة هبه قطب، الإعلاميه الكبيرة هالة سرحان، الملحن الكبير فهد الناصر ، الكاتب الكبير نبيل فهد المعجل أكرمك علي الكلام الجميل ورأيكم في مسلسل نعمة الأفوكاتو بجد رأيكم كان شهادة كبيرة أوي ليا وأتمنى أكون دايما عند حسن ظنكم بي.

هذا وكانت قالت مي عمر: انا كـ مي بشوف ان مفروض راجل متجوز خط احمر، واللي مش مبسوط في حياته يطلق ومفيش حاجة اسمها عشان الاولاد والرجل اللي بيعمل كده بيكذب وبيضحك على نفسه وعلى اللي معاه، واللي مش مبسوط ينفصل، ويدخل في علاقة جديدة بعدها، لكن مع بعض غلط عشان انت بتظلم الاتنين الاولى والتانية".

وتابعت، بحب نيللي كريم اوي وكاملة ابو ذكري خطيرة واعمالها مميزة وتدخل القلب جدًا ومحمد لو اتحط في مقارنة مع اي مخرج اكيد هختاره، حاجتين مبمسكش نفسي قدامهم التين الشوكي والقصب، وممكن بطني توجعني من كتر اكلهم.

وعن نعمة الأفوكاتو، أوضحت دوري في نعمة تخنت عشانه لانها ست طبيعية وبتشتغل وبتحب الاكل وتخنت حوالي ٧ كيلو، وكنت مبسوطة بده، والمسلسل اتصور في اماكن حقيقية مش ديكور حتى المقابر، وانا عندي فوبيا من الاماكن الضيقة والضلمة، فا قالوا هنعمل تيست وهتنزلي، فا اول ما نزلت خوفت جدًا وخبطت جامد ومحمد عرض عليا ينزل معايا بس انا خفت جدًا ساعتها".