حسام حبيب عن علاقته بشيرين عبد الوهاب: كنت معاها زي الطفل اللي متعلق بأمه

كشف الفنان حسام حبيب تفاصيل علاقته بطليقته شيرين عبد الوهاب، وذلك خلال حلوله ضيف على برنامج ع المسرح والذي تقدمه الإعلامية منى عبد الوهاب على شاشة قنوات الحياة، والذي فجر به مفاجآت وكواليس عن الأزمة التي حدثت بينه وبين الفنانة شيرين عبد الوهاب.

حسام حبيب يكشف كواليس علاقته بشيرين 

وقال حسام حبيب: عمري ما ضربت شيرين وكنت معاها زي الابن اللي متعلق بأمه اتقهر لو مشيت وسابتني، وبكيت بحرقة لحظة انفصالي عن شيرين عبد الوهاب وحبي ليها وصل لأني ممكن اغفرلها الخيانة.
 

وتابع: عمري ما خدت مليم من شغل شيرين وكل الكلام اللي اتقال عني محصلش، وشيرين عبد الوهاب كانت بتهاجمني وقالت عليا كلام محصلش وعملت ده كله عشان مردتش عليها في التليفون، اللي طلع منها كان بدافع الغضب والزعل واحنا كلنا وقت الزعل بنقول كلام قاسي وحتى شيرين بيني وبينها كانت بترمي كلام وحش عشان غضبانة.

تصريحات حسام حبيب 

وأضاف: أكبر غلط غلطته في حق شيرين إني عمري ما كنت ليا فيها طلبات أنا كنت سايبها براحتها ولا بقولها انتي وحشة ولا تخينة ولا قولتلها اني طالب فيها حاجة معينة وده خلاني نتجاهل عيوب بعض، وشيرين أما حلقت شعرها مكنتش أول مرة ده كان عندها زي نوع من أنواع التعبير عن الغضب، قبل كدة اتخانقنا وقالتلي طلقني قولتها طب البسي يلا عشان نتطلق اتفاجئت انها دخلت الحمام وحلقت شعرها ووقتها اتفقنا أن مهما كنا غلطانين وغضبانين مينفعش نأذي نفسنا.

واسترسل: عمري ما أهانت واحدة ست وعمري ما اتخليت عن شيرين بعد ما زعلت كل الناس مني،  وأما اتجوزت شيرين كانت مقاطعة أهلها وأنا اللي صلحتها عليهم وأنا لسة بحب شيرين عبد الوهاب ومش فارق اسم العلاقة اللي بينا دلوقتي المهم اننا لسة في حياة بعض.