مع شريهان وسمير غانم وسهير البابلي.. إسعاد يونس تفتح صندوق أسرارها وتحكي حواديت ما بعد الـ 70

كشفت الفنانة إسعاد يونس تفاصيل وكواليس عن حياتها الشخصية والمهنية التي امتدت منذ عام 1972، لتروي "حكايات في الحلويات" عن زمن الفن الجميل وطبيعة علاقتها بضرتها الفنانة شيريهان، ذلك خلال استضافتها في برنامج big time boadcast. 

أبرز تصريحات إسعاد يونس في برنامج big time boadcast

• بتيجي لي لحظات نفسي أقعد بأحفادي ومش عايزة حاجة من الدنيا 
• عندي 74 سنة ومبسوطة جدًا بسني وفيه حاجات تحررت منها
• شريهان ضرتي.. بس هي أم أولادي وأنا أم أولادها وبحبها جدا
• زوجنا عظيم وأنبل الرجال والعائلة كلها بتعبده عبادة
• سهير البابلي كانت بتاعة ربنا.. كنت معاها لحد آخر دقيقة في حياتها
• مش قادرة أتخيل إن سمير غانم دا غمض عينيه وما بقاش موجود

وقالت في لقائها مع الإعلامي عمرو أديب في بودكاست بيج تايم: «بتيجي لي لحظات ببقى نفسي أقعد بالأحفاد فببقى أوقات مش عايزة حاجة من الدنيا، عندي 3 أحفاد، هانيا ابنة نورهان وعلاء وأيلا أبناء عمر، أنا بمثل من سنة 1972 هل لو قلت لك عندي 46 سنة هتصدقني؟!، ليه أعمل كده؟ أنا سعيدة جدًا بالوقت اللي أنا فيه حاليًا، أنا مبسوطة جدًا بسني وفيه حاجات تحررت منها، وفي أبريل المقبل هتم 74 سنة».

قالت الفنانة إسعاد يونس: "زوجي عظيم وأنبل الرجال وربنا يحميه ويحفظه وهو بني آدم جميل والعائلة كلها بتعبده عبادة".

قصة زوج إسعاد يونس

وأضافت خلال لقائها ببرنامج "بيج تايم بودكاست" الذي يقدمه عمرو أديب وأصالة بقناة "إم بي سي": أنا وأولادي بنشوف زوجي حاجة كبيرة، احنا قربنا على 40 سنة جواز، مرينا بمراحل وظروف كحل وصعبة جدًّا والمواقف والقيمة هي اللي بتخليني أشوف زوجي راجل عظيم، بيحميني وبيأمن لي ويستوعبنا ويشيلنا كلنا بحب، جوزي برنس البرنسات".

نقطة التحول في حياة إسعاد يونس

ولفتت: "نقطة التحول في حياتي هي أحفادي، ويوم ولادة أول حفيدة جا لي هبل كبير، واللحظة المجيدة هي لما نروح بيتنا ويتقال لي فركش ونقلع الكعب والدور وأدخل السرير اللي بحس فيه بالراحة بعد عذاب يوم تصوير طويل".

ابن إسعاد يونس 

وعن ابنها عمر، قال: "كان شقي جدًّا وهو صغير واتخانق مرة مع شام بنت أصالة في شرم الشيخ، فأنا ابتدعت حاجة وهو خارج أقول له خلي بالك من ابني وبوصيك علي ابني وهو في الأول ما فهمش فقلت له أنا بحملك أمانة إنك ترجعه لي سليم". 

العلاقة مع شريهان

وعن ضرتها شريهان، علقت: "أنا أخدت قرار إن فيه أولاد بيحملوا نفس الجينات والدم وبالتالي انتهت أي حاجة بيني وبينها كامرأتين وهي أم ولادي وأنا أم ولادها وأنا بحبها جدًّا، وبيننا بلاوي والظروف قربت ما بيننا خاصة ليلة ولادة بنتها لولو الكبيرة خلص الموضوع، دول ولاد علاء زوجي، وتجمعنا علاقة صداقة أنا وشريهان دلوقتِ".

إسعاد يونس تكشف كواليس اللحظات الأخيرة في حياة سهير البابلي

كشفت الفنانة إسعاد يونس، تفاصيل اللحظات الأخيرة في حياة الفنانة الكبيرة سهير البابلي/ قفلتها بتاعت ربنا كده فهي كانت مسلمة أقدارها جدًا، وأنا كنت معاها على طول لحد قبل الوفاة بدقيقة».

وتابعت: «عملنا حديث مع بعض لما قيل أنها أرهقت جدًا، وعملنا فيديو على السوشيال ميديا، وقالت لي هنشتغل وهنرجع لكن صحيًا مكنتش هتقدر لكن كان لازم أشجعها».

وأردفت: هي كانت إذا عرفت دماغها تتقبلها كما هي، وممكن في لحظة تقول يا سعاد أنا جعانة اتصرفي، علشان في مدخل مسرح ميامي كان في مطعم مالكته مذيعة يونانية في البرنامج الأوروبي،  العلاقة هي تعشقني وأعشقها، والأولى أو الثالثة يسرا، وكنا ثلاثي له ذكريات رهيبة، ونروح عندها البيت نطلع المرتبة ووننام على الأرض في الصالة، ونفضل في نميمة طول الليل.

وقالت: أكيد أنا أوقات بكون لا أحتمل، وجالي وقت لما أزعل ببقى كئيبة وخلقة متتشافش، وبعدين اكتشفت أن الحياة بتروح في ثانية، وأنا مش أتخيل أستوعب منطق الموت، ومش قادرة أتخيل أن سمير غانم نام مغمض عينيه ومبقاش موجود، دي حاجة مجنناني في الحياة، ومش قادرة أتخيل المنطق، وكل ثانية من عمر الإنسان مش راجعة.