كهربا: «تيشيرت الأهلي بيخوف أي حد ولاعيبة الزمالك بيخافوا من اللون الأحمر»

تصريحات كهربا.. أكد محمود عبدالمنعم «كهربا»، مهاجم الفريق الأول لكرة القدم بالنادي الأهلي، أنه كان واثقًا من الفوز ببطولة كأس مصر على حساب الزمالك.

وفاز الأهلي على الزمالك بهدفين دون رد، في المباراة التي اقيمت بينهما في المملكة العربية السعودية، في نهائي بطولة كأس مصر موسم 2022-2023.

الأهلي بيخوف أي حد

وقال كهربا، في تصريحات تلفزيونية عبر فضائية «أون تايم سبورتس»: «إحنا في الأهلي دايمًا متعودين على البطولات، أنا مش بقلل من نادي الزمالك ومن لاعبيه، أنا مع الزمالك كنت باخد بطولات بس مش زي الأهلي».

وأضاف: «إحنا في الأهلي بنلعب نهائيات كتير، مبنطلعش من المباراة غبر وإحنا مموتين نفسنا»، مضيفًا: «في الزمالك كنا متمسكين بالفوز بالبطولات ولكن مش زي روح الأهلي، الفانلة الحمراء صعبة أوي وهذا ليس تقليلًا من أي نادي»

وتابع: «تيشرت الأهلي بيخوف أي حد، الكلام ده مش عشان أنا بلعب في الأهلي ولكن دي حقيقة، أنا لما كنت يلعب في الزمالك وبنلاعب الأهلي، بنبقى لعيبة جامدة جدًا وعلى المستوى الفردي مميزين ولكن كان بيبقى في كذا حد بيبقى خايف، كنا بنقعد نتكلم يا جماعة مفيش خوف دي مباراة 90 دقيقة».

وأتم: «في مباراة نهائي الكأس كنا وحشين ولكنا كنا واثقين من الفوز، احنا بين الشوطين كنا بنقول احنا وحشين وقعدنا نحفز بعض هنكسب يعني هنكسب».