معرفش ولد ولا بنت؟.. حورية فرغلي تكشف سبب رفضها الزواج من ملياردير لبناني

كشفت الفنانة حورية فرغلي، سبب رفضها الزواج من ملياردير لبناني يدعى أحمد حجازي، وذلك خلال حوارها مع الإعلامية بسمة وهبة، ببرنامج «العرافة» على قناة «المحور».

وقالت الفنانة حورية فرغلي :" ده واحد لبناني مليونير، عرض 2 مليون دولار علشان يتجوزني".

وردا على سؤال لماذا لم تقبل عرضه، قالت حورية فرغلي: "علشان هو راجل أحلى مني، مش عارفة هو راجل ولا بنت، ومش فاهمة من صوره هل بيحب الرجالة والستات ولا إيه".

حقيقة زواج حورية فرغلي من هيثم أحمد زكي 

ورفضت الفنانة حورية فرغلي، الحديث عن الفنان الراحل هيثم أحمد زكي، قائلة: «أنا مش هتكلم عن حد متوفي، لا اتخطبنا ولا اتجوزنا».

وأضافت «فرغلي» : «الله يرحمه مش عايزة أتكلم عنه، مش عايزة أتكلم عن هيثم سيبوه مرتاح في قبره، أنا أعرفه منذ عام 2011، أما خطيبته فهي ظهرت جديد».

وتابعت الفنانة: «أعرفه من قبل ما خطيبته تتولد أصلا، أنا متضايقة منها إنها تتكلم عني كده وتقولي متتكلميش عن هيثم، أنا أصلا متكلمتش عنه لا شتمت ولا قلت حاجة وحشة، اتكلمت عن سبب خصامنا مع بعض وهو مد ايده عليّ في لوكيشن مسلسل دوران شبرا والناس شاهدة».