رسالة نارية من انتصار لكاملة أبو ذكري: محدش ضربك على إيدك عشان تشتغلي معايا

وجهت الفنانة انتصار رسالة نارية للمخرجة كاملة أبو ذكري، خلال لقائها ببرنامج “ع المسرح” المذاع على قناة “الحياة”، وذلك بعد تصريحات الأخيرة بشأن عدم انضباطها والتزامها في تصوير مسلسل “ذات”.

رسالة نارية من انتصار لكاملة أبو ذكري

وقالت الفنانة انتصار : "عايزة كاملة أبو ذكي تبطل تتكلم في البرامج ومش صح عمري ما جبت سيرتها إلا بكل خير، لكن أنا محبتش اللي هي بتعمله في البرامج، متشتغليش معايا تاني ومحدش ضربك على إيدك وقالك اشتغلي معايا بالعافية واتكلمي عن أعمالك ونجاحاتك واللي يجيبك علشان شخصك مش علشان تذمي في زمايلك وعيب إن الآخرين يستغلوكي، متبقيش ضحية أنتي كبيرة ومن أهم المخرجين في الشرق الأوسط وأنا بحبها وهي صاحبتي ويصعب عليا يستدرجوها في البرامج".

وتابعت انتصار: "مبحبش إن مشاكل العمل تتداول في البرامج، وكواليس الشغل تبقى في الشغل مش علي الشاشات وياريت كاملة أبو ذكري تتفهم ده".

انتصار تهاجم كاملة أبو ذكري

ولفتت الفنانة انتصار :"أنا بطلع تريند لوحدي، من غير ما أقصد ومش عارفة أعمل ايه، ولا تصريح طلع مني كان مقصود أنا حقيقية ومش متصنعة ومش بقلد الناس التافهين الكاذبين، مش بخاف من المجتمع وأنا مش ضد قيم المجتمع ولا ضد الصح اللي في المجتمع، أنا من الشارع ورجلي في الأرض وبارد من خلال الواقع بعيدا عن الزيف والخداع".