منى ذكي: الخلفة بعد الـ 40 صعبة ومخفية علشان مش ضامنة هعيش معاهم قد إيه

قالت الفنانة منى زكي إنها ليست الأعلى أجرًا من بين الفنانات بالوسط الفني، بجانب حديثها عن أبنائها الثلاثة، وعلاقتها بزوجها الفنان أحمد حلمي.

وأضافت منى زكي، في بودكاست Big Time، تقديم الإعلامي عمرو أديب: أنا مش أعلى أجر، ومعرفش مين أعلى أجر، ولو الفيلم محتاج يتصرف عليه أنا عمري ما باخد أجري.

أما عن الإنجاب في سن الـ 40، أضافت منى زكي: الخلفة بعد الـ 40 سنة صعبة أوي ومخيفة، لأن مبتبقاش ضامن هتعيش معاهم قدي إيه، وتوصلهم لأي مرحلة، وبتبقى عايز تديهم كل حاجة لأنك مش عارف الوقت ده قد إيه، إنك تحاول تبسطهم ده مجهود رهيب في الأربعينات ومش سهل، مفيش نفس الطاقة لكن في حنية وفهم أكثر.

كما كشفت منى زكي صفات أبنائها قائلة: بنتي في الجامعة وهي فنانة بترسم وأنا فخورة بيها، وعندنا واحد هو عادل ابن الناس الكويسين في فيلم سهر الليالي، سليم اللي عمره 9 سنين، دكتور في نفسه ومهذب أوي وحساس وزوق جدا.

وأكملت منى زكي عن نجلها الصغير: ده بلطجي خالص ومخوف البيت كله، وكفاية نظرته وإنك مش متوقع أبدًا رد فعله، وكان عندنا صعوبة في التعامل وأنا شخصيًا كان عندي صعوبة، روحت لحد يقدر يساعدني والموضوع اختلف خالص.

واختتمت منى زكي: علموني إني لازم الأول أسمعه، وبعدها أفهمه ليه مش هنعمل اللي هو حاسس به، لكن بهدلني سنتين لغاية ما عرفت أتعامل معاه.