سائق "أوبر "يرسل جواب لشقيقته من محبسه: خدي العيال واترجيها تتنازل عن المحضر

بعد إحالة سائق أوبر المتهم في محاولة خطف حبيبة الشماع "فتاة الشروق" لمحكمة الجنايات، ومن داخل محبسه بسجن النهضة، يرسل جوابًا لشقيقته، كاتبًا: “خدي العيال واترجيها تتنازل عن المحضر”

رسالة سائق أوبر من محبسه

كتب محمود هاشم سائق أوبر في رسالته لشقيقته: كاتبًا:"  أختي حبيبتي وأمي الثانية، كل سنة وأنتِ طيبة وكل عيد أم وأنتِ طيبة وصحة وسلامة، وإن شاء الله السنة الجاية تكوني في أطيب حال وحشتيني كتير وكان نفسي أكون معاكي أجيب لك هدية عيد الأم، وماتنسيش تجيبي لـ تيتا هدية عيد الأم وقولي لها دي مني أنا، ومتزعلش مني خالص والله العظيم مليش ذنب بس أعمل أيه قدر ربنا قدر الله ما شاء فعل"

هعمل في نفسي حاجة

وتابع المتهم في واقعة حبيبة الشماع:" عشان خاطر ربنا لو ينفع تروحي أنتِ للبنت وتترجيها وتطمني عليها هتقدري أنتِ  وهي لو تنازلت هيكون الموضوع خلص، والله العظيم أنا مش قادر ومعملتش حاجة، خدي عيالي وروحي يمكن قلبها يحن، ورحمة أمك اعملي حاجة أنا مش قادر وهعمل في نفسي حاجة وربنا يعلم اليوم بيعدي إزاي وسلامي لكل الأهل والعيال وحشتني كتير والله ربنا يخليكوا ليا يارب يا حبيبتي.

واستكمل:" أنا مش وحش والله العظيم متزعليش مني يا أختي، العربية والرخصة والفيزا في القسم وربنا يعينك يا أختي".