شوبير: « يارب أي حد شمتان في إمام عاشور يلاقيه في أغلى حد عنده»

إصابة إمام عاشور.. رد الإعلامي أحمد شوبير على الأصوات التي تشمت في إصابة إمام عاشور لاعب وسط النادي الأهلي ومنتخب مصر بعد إصابته خلال مباراة الفراعنة أمام نيوزيلندا في كأس عاصمة مصر.

وأثبتت الأشعة التي خضع لها إمام عاشور لاعب منتخب مصر، عقب مشاركته في مباراة نيوزيلندا، إصابته بخلع ما بين مفصل الترقوة ولوح الكتف، وسيستكمل اللاعب الإشاعات، اليوم السبت، وسيتم عرضه على أحد الأطباء المتخصصين في إصابات الكتف لفحص اللاعب وتحديد حاجته لجراحة من عدمه.

وقال “شوبير” :” الكل يدعي لإمام عاشور، احنا كلنا كنا بندعي لـ أحمد رفعت، كي يخرج من المحنه اللي هو فيها، والحمدالله الأمور حاليًا أصبحت أفضل”.

يارب أي حد بيشمت يشوفه في أغلى حد عندك

وأضاف “شوبير” خلال تقديمه حلقة جديدة من برنامج ” ملعب اون” على قناة “أون تايم سبورتس” :”لما تتكلم على بني آدم قول يارب، لما تتكلم على بني آدم خلي الدعوات صادقة من قلبك، أمام لو أنت انسان مريض فخلي الغل يأكل قلبك”.

وتابع “شوبير” وهو في حاله انفعال :” اللي بيدعي على حد يارب يلاقي ده في أقرب الناس ليه، أي حد بيشمت في بني آدم أو بيدعي عليه يارب اللي بيتمناه يجي فيه لأن الحاجات دي بتوجعني جدًا ويتألمني جدًا”.

وأكمل :” يا أخي حرام عليك، فرحان في واحد كان بكل الحيوية والنشاط وخارج من الملعب يخلع أو كسر في الكتف، ايه ده”.

وأختتم “شوبير” :” يارب كل واحد يشمت أو يتمنى المرض أو الضرر لحد، يبقى اللي بيتمناه في أغلى حد عنده”.