أحمد سعد عن شقيقه: معاه عربية 128.. لو طلع فنان كان كسب أكتر

تحدث الفنان أحمد سعد عن شقيقه العالم الذي يدعى سامح، وتحدث عن علاقته بأشقائة الثمانية.

أحمد سعد عن شقيقه: معاه عربية 128.. لو طلع فنان كان كسب أكتر

وقال أحمد سعد عن شقيقه العالم، خلال لقائه مع الإعلامي عمرو أديب في بودكاست Big Time: «سامح أخويا عالم كبير، لكن هو الوحيد اللي ضاع فينا لو كان طلع فنان كان زمانه كسب أكتر».

وأضاف: «سامح خد أول 5 سنين في كلية علوم امتياز مع مرتبة الشرف طلع مؤتمر أخدته اليابان حضر فيها ماجستير ودكتوراة، كان الأول على اليابان، وأمريكا أخدته، عملوله معمل من أهم 10 معامل في العالم، والدكتور أحمد زويل كلمه ينزل يشتغل معاه، وبعدها رجع قال أخدم مصر، دلوقتي معاه عربية 128».

كما تحدث الفنان أحمد سعد عن أسرته وأشقائه الـ8، حيث قال: «إحنا 9 أولاد، وأنا رقم 7، وأنا كنت بخدم الـ8 إخواتي، وفي يوم قررت أعمل ثورة عليهم، لكن كنت بحضر لها جوة مخي، أخويا شالني ورماني برة وقفل الباب، ورحت جبت لهم الأكل ورجعت تاني.. كانت مأساة، بس عددنا الكبير ساعد على أن يطلع مننا مواهب بسبب المنافسة فيما بينا».