يحذر منها الرئيس السيسي.. 4 أخطاء يقع فيها رجال مصر في التعامل مع المرأة | انفوجراف

أكد الرئيس عبد الفتاح السيسى، أن الرجولة فى التعامل داخل الأسرة بالإنسانية والسعة والصبر، متابعا: "كل السيدات اللى قابلتهم ناس طيبة وأفاضل.. حبيت النقطة دي في بداية كلمتي من قلبي.. نخلي بالنا ونكون أكثر كرما وتسامحا وودا وتنازلا.. والله الرجولة مش بالصوت العالي خالص".

وأضاف الرئيس السيسي خلال كلمته فى احتفالية يوم المرأة المصرية والأم المثالية: "والله العظيم الرجولة مش بالصوت العالي.. بالإنسانية والسعة والصبر ولها حق علينا.. لكل سيدة وفتاة وكل سيدة كبيرة في السن.. كل عام وأنتم طيبين وادعولنا وبنشكركم".

متسبهاش لايصة في البيت وتمشي

قال الرئيس عبدالفتاح السيسي، إن الله تعالى طلب احترام وتقدير المرأة، والرسول صلى الله عليه وسلم أوصانا بذلك أيضًا.

وأضاف “السيسي”: روحوا محكمة زنانيرى بتاع الأحوال الشخصية، وشوفوا مين اللى شايلة الشيلة؟، وبتكلم على اللى عنده مشكلة، طيب اللى معندوش مشكلة يبقا ألف بركة، ولو عندنا إنصاف في شخصيتنا ميبقاش في تركيبة شخصية الإنسان بإنه لا يبالي ولا يقدر، ويقول: احمدي ربنا إن أنا اتجوزتك.

الرجولة مش بالصوت العالي

وتابع السيسي: مش شايف دي رجولة مننا لكن الناس الأفاضل الطيبيين على دماغي، وبنتنا واختنا متبقاش لايصة أبدا واحنا موجودين منبقاش رجالة".

وأوضح الرئيس، أنه عندما تحدث عن صندوق الأسرة والمرأة المعيلة، كان حريصا على عدم ترك المرأة "لايصة"، وزوجها ساب البيت ومشي لأي سبب.

وتابع: الرجولة بالإنسانية والسعة والصبر ولها حق علينا، ولكل سيدة وفتاة وكل سيدة كبيرة في السن، كل عام وأنتم طيبين وادعولنا وبنشكركم.

وطالب السيسي، باستحداث محور لتعزيز القيم الأخلاقية والاجتماعية في المشروع القومي لتنمية الأسرة المصرية لضمان بناء مجتمع متماسك وفعال.

كما وجه الرئيس عبد الفتاح السيسي رسالة هامة لرجال مصر:" اللي يقول لمراته أحمدي ربنا أني أتجوزتك أو يسيبها لايصة .. دي مش رجولة".

وطالب الرئيس السيسي الرجال بتقدير المرأة، فقال: الواحد لما يبقى ليه بطن بيبقى مش عارف يمشي.. ودي بتقعد 9 شهور في حمل".