لقاء الخميسي: عبدالمنصف هيجيبلي جلطة.. وابني الكبير مد ايده عليا (فيديو)

قالت الفنانة لقاء الخميسي: «كان عندي خطيئة الغضب جامد أوي وأنا صغيرة، وابتدت تقل شوية، ودلوقتي بحاول أسيطر علي نفسي، ومنذ سنة ونص بقول خدي نفس طويل، ولما بقيت ألعب رياضة الأمور بقت أفضل».

غضب لقاء الخميسي من ابنها

وأضافت خلال لقائها ببرنامج "أسرار" الذي تقدمه الإعلامية أميرة بدر بقناة "النهار": «اكتر لحظات الغضب كانت مع ابني الكبير، هو اكتر واحد ممكن ينرفزني، واتنرفزت عليه اكتر من مرة، وساعات بكون مجنونة ومبحسش بنفسي واحدف حاجات عليه».

اعتداء ابن لقاء الخميسي 

وتابعت لقاء الخميسي:«ابني الكبير مد ايده عليا وقعدت اعيط 3 أيام ومقدرتش عليه وصعبت عليا نفسي، وبعدها أوسة جاء واتكلم معاه واعتذرلي وباس راسي».

لقاء الخميسي عن علاقتها بزوجها
 

وأكدت: «محمد عبد المنصف عمره ما اتعامل معايا بشكل عنيف ومبيزعقش، وده هينقطني وهيجيبلي جلطة أنا بس اللي صوتي عالي، ووجهة نظره منطقية إننا لما صوتنا يعلي ابننا مش هيقتنع فنتكلم بالهدوء، عبد المنصف شخص متماسك ورزين أنا بقى شخص رومانسي وانفعالي وشاعري فكذا مرة اصرخ واتجنن وفي الآخر ينزل علي مفيش».