شيرين رضا: عمرو دياب مبيصرفش على بنته وخطيبها دا أهم ما يميزه

تصدرت تصريحات الفنانة شيرين رضا، محرك البحث جوجل بعد استضافتها في برنامج “العرافة” تقديم الإعلامية بسمة وهبة في حلقة أمس الجمعة التي تعرض على قناة النهار.

تصريحات شيرين رضا عن ابنتها

وتحدثت شيرين عن مشاريعها الفنية وعلاقتها بنجوم الوسط الفني، بالإضافة إلى علاقتها بابنتها الوحيدة نور من طليقها النجم عمرو دياب. كما تحدثت عن تفاصيل وكواليس كشفها لأول مرة عن فترة زواجها من عمرو دياب.

سألت "بسمة" الفنانة شيرين رضا عما إذا كان والد ابنتها "نور" النجم عمرو دياب ينفق عليها بسبب إقامتها في لندن، لترد قائلة: "هي بتعتمد علي نفسها من 5 أو 6 سنين من بعد ما خلصت دراسة وباباها هو اللي كان بيصرف عليها في دراستها وبعد ما خلصت بدأت تشتغل وده كان قرار مننا احنا الاتنين وأنا شوفت ناس كتير أوي في حياتي الفلوس دمرت مستقلبهم ومكناش عاوزين بنتنا يحصلها نفس الحكاية تتدلع وتاخد فلوس تعمل اللي هي عاوزاه بشوف ان ده بيضر مابينفعش والفلوس موجودة هي مش محرومة من الفلوس بس الاعتماد علي النفس والشغل وان هي تاخد ألف جنيه ولازم تعيش بيهم وتاكل بيهم وتشتري بيهم، واللي أخد القرار ده في الأول كان عمرو دياب ومعرفش اذا كان بيعمل كده مع ولاده التانيين ولا لأ".

وتحدثت شيرين عن مشاريعها الفنية وعلاقتها بنجوم الوسط الفني، بالإضافة إلى علاقتها بابنتها الوحيدة نور من طليقها النجم عمرو دياب. كما تحدثت عن تفاصيل وكواليس كشفها لأول مرة عن فترة زواجها من عمرو دياب.

وعن خطيب ابنتها "نور" قالت: "عارفة لما تحسي انك متتمنيش غير كده، انه حد محترم وبيحبها وبيخاف عليها مش عايز منها حاجة مخطبهاش عشان هي مين او هي بنت مين وانتي متتمنيش لبنتك غير كده انك تلاقي حد بجد بيحبها وهى بتحبه وهما أصدقاء ودي أهم حاجة في اي ارتباط ان هما يكونوا أصدقاء أولًا وأخيرًا لأن هو ده اللي بيخليكي تعرفي تعيشي مع أي بني آدم".