السبت 21 مايو 2022
حالا
رئيس التحرير
محمود سعد الدين
ads alshoura ads
البريد بانر alshoura ads

محمد سلامة تعليقا على "بوست" يمدح فى تفاصيل مسلسل موسى : "عنيا دمعت"

محمد رمضان  موقع بصراحة الإخباري
محمد رمضان

علق المخرج محمد سلامة، على أحد المنشورات التى تتحدث عن مسلسل "موسى"، والذى يتولى إخراجه ويقوم ببطولته النجم محمد رمضان، حيث علق محمد سلامة على "البوست"، قائلا، "عنيا دمعت"، حيث امتدح البوست فى المسلسل، وكافة عناصره من تصوير واخراج وتمثيل، والأبطال و غيرها من التفاصيل الهامة، حيث يقول "البوست"، "اللي ينكر موهبة محمد رمضان يبقى جاحد.. واللي ينكر ذكاءة يبقى ساذج.. واللي ينكر مجهوده أكيد عنده مشكلة.. لكن إنت متفق أو مختلف مع شخصه ده موضوع تاني.. إنما فنيًا هو الأنجح والأكثر وصولًا للناس بالأرقام وبالمشاهدات والشعبية وحاجات كتير.. هو ربنا صارفله.. ودي حاجة إحنا كبشر منقدرش نتدخل فيها.. وفي كل الأحوال ربنا يزيده.. أما بالنسبة لتجربة مسلسل موسى فمن وجهة نظرى لأول مرة محمد رمضان ميبقاش النجم الأوحد للعمل.. اللى بيضيف النجاح لكل اللي بيشتغل معاه وكل اللي بيقف قدامه"

اقرأ أيضا: مسلسل موسى الحلقة 6.. تفجير معسكر الإنجليز وسرقته.. ومحمد رمضان يحضر جنازته

وتابع، "في مسلسل موسى.. إكتفى محمد رمضان إنه يشاور على محمد سلامة المخرج المبدع المحترم ويشاور على الكاتب الأستاذ ناصر عبد الرحمن.. وبعد كده إدى ضهره للهوا واتطمن.. محمد سلامة.. أنا بثق فيه وفي شغله جدًا ومع ذلك فاق حدود تفكيرى وتوقعاتي اللي أنا أعرفها عنه .. أنا مش هتكلم على الصورة اللى الناس كلها بتتكلم عنها..أنا عايز أقوله إنت اتعلمت صعيدي امتى؟.. وذاكرت التفاصيل دي امتى؟وإزاي اختارت ميرغني ورويعي وشفيقة ونجاة ومخوفتش؟ وإزاي قدرت تكرم وتقدر قيمة ممثل كان كل حياته وتاريخه ومشاركاته في الأعمال مؤخراً مبنية على حركة عملها ببوقه من 30 سنة وتحوله لممثل عظيم بيعمل دور صعيدي حقيقى .. بشوف فيه جدودي اللي عايشين في الصعيد طول عمرهم.. إزاي عملت كده في حمدي الوزير؟ إزاي جيه على بالك الأستاذ محمد ريحان؟ إزاي كل الممثلين شاربين اللهجة كده؟.. والديكور والتفاصيل بشوفها كأنى ماشي فى بلدنا لما بسافر؟ إزاي قدرت تغير من شكل وطريقة وأداء الست عارفة اللي قريتلها بوست من كام شهر بتشكرك فيه وبتقولك إنك اديتها دور عمرها.. وأنا بصراحة كنت مستنى اشوف الدور لغاية ما اتفرجت وحسيت بالمشاعر اللي خليتها كتبت بوست زي ده؟

اقرأ أيضا: مسلسل موسى الحلقة 5.. محمد رمضان ينتصر على الإنجليز ويوزع أموالهم على الفقراء

وتابع "عارفة عبد الرسول، إزاي قدرت ترجع تشتغل تانى بعد وقف المسلسل وتلملم نفسك وأدوات بسرعة وتعمل العظمة دى وتسبق كل اللي حواليك؟ كل دي حاجات ميعملهاش غير مخرج كبير ومتمكن جداً جداً جداً وواعي وعارف هو بيعمل ايه كويس أوي.. وعايز أقولك إني رغم إن مسلسلنا عدى عليه أكتر من سنتين متأجل.. بس دلوقتي إتجدد زعلي لما شوفت إبداعك واجتهادك في موسى.. فخور بيك يا صديقي ويا رب كل اللي جاي أجمد وأحلى.. ومبروك علينا كلنا وجودك ونجاحك"

 

وأضاف، "محمد مختار.. الأستاذ الدكتور محمد مختار ده مدير تصوير بدرجة رسام .. عين صافيه.. صورة واضاءة وتكوين مظبوط على حد السيف.. عيشنا وشوفنا الإبداع الحقيقي بعينيك يا أستاذ.. الناصر.. أخيراً ختامها مسك بأستاذنا الكبير ناصر عبد الرحمن .. حابب أشكرك على إخلاصك لفن كتابة السيناريو.. و إبداعك في حكي أي حدوتة بطريقة مختلفة وتفاصيل جديدة تخصك انت بس.. تفاصيل جذابة وحقيقية.. ربنا يزيدك موهبة وتعيش وتمتعنا ونتعلم منك"

 

 

 

 

 

 

 

 

 

 

 

 

 

 

 

 

Go to top of page