محمد سامي: محمد رمضان متصنف فتوة الشعبيين زي فريد شوقي (فيديو)

علق المخرج محمد سامي على نجاحه الدائم مع الفنان محمد رمضان وسبب حبه له والعمل معه.

وقال محمد سامي خلال استضافته ببرنامج «أسرار» مع الاعلامية أميرة بدر، المذاع على قناة النهار: «محمد رمضان ممثل مهم وموهبة مهمة، ولكن مهما كان فهو في احتياج لفريق عمل قوي حواليه ومخرج قوي، هو عنده كاريزما لكن مش مسؤول عن كل العناصر»

وأضاف سامي: «اشتغلت مع غادة عبدالرازق والسقا وتامر حسني لكن شغل محمد رمضان كان نجاح استثنائي، وده بسبب أن كيميتنا راكبة اوي مع بعض، وبنفهم بعض بالاشارة».

وتابع: «محمد رمضان طيب ومش بيفكر ينجح مع حد غيري عشان يثبت حاجة معينة لانه مش بالشر ده، وهو نجم مبالغ في نجوميته وهو عارف انه ناجح دايمًا».

واستكمل سامي قائلًا: «محمد رمضان متصنف فتوة الشعبيين لان فريد شوقي فضل كده طول عمره، وانا ضد تغيير جلد الفنانيين، لان احمد زكي فيه حاجات مصدقتوش فيها وانا اقل من اني اقيمه، لكن الاستاذ عادل امام هو الانجح ع الاطلاق، وهو البهجة والانبساط ووظف نفسه حلو وعمل كل حاجة».