الداعية مصطفى حسني يعطي دروسا في الصبر لأبناء الشهداء أمام الرئيس السيسي

شارك  الداعية مصطفى حسني  في احتفالية الندوة التثقيفية الـ 39 للقوات المسلحة، بحضور الرئيس عبد الفتاح السيسي، الذي تقام حاليًا في مركز المنارة.

مصطفى حسني يشارك في احتفالية يوم الشهيد

وتحدث مصطفى حسني خلال احتفالية يوم الشهيد، قائلًا: عندنا دولة قوية آمنة ولكن كان ليه تمن اللي دفعه شهدائنا.. هنشوفهم يوم القيامة كل واحد فيهم هيلبس تاج وربنا هيقولهم أنتم ملوك الأخرة.

وتابع  مصطفى حسني كلامه: وإن كان حصل فراق في الدنيا فاللمة هتبقى كبيرة ولازم أجيال كتيرة لو اتفرجوا لازم يعرفوا مين السيد الحقيقي، اللي ضحى من أجل البلد.

 احتفالية يوم الشهيد

وأكمل: إحنا جايين النهارده علشان نقول شكرا، كنا بنستخبى من قرايبنا وحبايبنا وقت الكورونا ووالدتك يا "ديجا" كانت بتروح تسهر جنب العيان علشان تطمن عليه كام واحد، ربنا شفاه ورجع عايش بينا، ووالدتك راحت عند ربنا عاشت وسط الأنبياء، المرة اللى جاية اللى هنشوف فيها بابا وماما هيبقى يوم القيامة لابسين تاج الوقار الياقوت فيه خير من الدنيا، وما فيها زى ما قالنا النبى وإن شاء الله يمسك أيديكم ويتمشى ويتشفع لـ70، وإن كان حصل فراق في الدنيا، اللمة هتبقى كبيرة قدام بيت ابنكم في اول يوم في الجنة .

وتابع: ويبقى الأثر في أيدينا أمانة بلد وصية الأنباياء وشهداءنا ومصابينا بذلوا المجهود، وتحقق المقصود أدخلوا مصر إن شاء الله أمنين والدور علينا سطر قاله العلماء علشان يقولك فين جهادك بيقولك مقامك حيث أقامك علشان يقولك إن كل مكان ربنا حطك فيه هو مكان عبادة، وجهاد أيها الموظف والعامل شد حيلك وخلى ربك يشهد قبل الكاميرات.