بسنت شوقي ترد على انتقادات حديثها باللغة الإنجليزية:اتربيت على كده

حرصت الفنانة بسنت شوقي الرد على الانتقادات التي توجه لها بسبب استخدامها لكلمات باللغة الإنجليزية عديدة أثناء حديثها،وقالت إن هذا الشيء خارج عن إرادتها.

بسنت شوقي ترد على انتقاد الجمهور بطريقة حديثها

وقالت بسنت شوقي خلال تصريحات تليفزيونية:"أنا متفهمة أن الناس ممكن تكون بتضايق إني بستخدم كلمات إنجليزي أكتر من العربي لكن دي البيئة اللي أنا اتربيت فيها".

وتابعت بسنت شوقي: "أنا في البيت عندي مع أهلي حتى لما بنتخانق بنبرطم بالإنجليزي، اتعودت على كده حاولت كتير وبشتغل على الموضوع لكن الناس بتتخيل إني بعمله منظره، لكن حقيقي صعب ومش شطارة مني ومش حاجة فخورة بيها، لكن في جمل بتيجي في مخي بالإنجيلزي وعشان أقعد أترجمها هاخد وقت كتير".

كما ردت بسنت شوقي خلال البرنامج على ظهورها بملابس يصفها البعض أنها جريئة وقالت: "فكرة الملابس جريئة أو لأ ليها علاقة بالذوق وتربية الإنسان اللي ممكن يكون جريء بالنسبة لناس بيكون مش جريء لناس تانية".

وكشفت بسنت شوقي أنها تنزعج من حديث البعض عن فارق العمر بينها وبين زوجها الفنان محمد فراج وانتشار أخبار أنها تكبره عمرا وقالت: "بنزعج من اللي بيتقال إني أكبر من محمد فراج لأنها مش حقيقة كمفهوم أنا معنديش مشكلة وصريحة لكن دي لو حقيقة هطلع أقولها لأني فخورة بنفسي لكن اللي يزعجني أن اللي بيتقال مش حقيقي".

أبطال مسلسل بابا جه

يشار إلى أن بسنت شوقي تظهر في مسلسل "بابا جه" للفنان أكرم حسني الذي يشارك به في رمضان 2024.

مسلسل "بابا جه" مكون من 15 حلقة وهو من بطولة أكرم حسني، نسرين أمين، سماء إبراهيم، فريال يوسف، محمود البزاوي، محمد أوتاكا والطفلة لافينيا نادر وعدد آخر من الفنانين وضيوف الشرف والعمل من تأليف وائل حمدي وإخراج خالد مرعي وإنتاج شركة ميديا هب سعدي – جوهر.