فيفي عبده تحكي عن معاناتها مع الرقص:كنت فقيرة ومش قادرة أشتري بدلة رقص

كشفت الفنانة فيفي عبده، رأيها في الراقصات الموجودين على الساحة خلال الوقت الحالي، مؤكدة أن الرقص الشرقي كان له قيمته خلال الفترة الماضية.

وقالت فيفي عبده، خلال تصريحاتها إذاعية: الجيل الحالي بعافية شوية، والرقص زمان كان ليه هيبته وقيمته، واللي كان بيتفرج كان له تقله مش زي دلوقتي، ودلوقتي الرقاصة بالزمبالك كأنها لعبة وبيقلدوا بعض، أنا كسرت الدنيا بالجلابية، ولما كنت فقيرة مكنتش بقدر أشتري بدلة أرقص بيها، ولما ربنا إداني جبت 5 مصميين أزياء واشتريت.

كما أعربت الفنانة فيفي عبده، عن ندمها بسبب عدم تسجيلها للمسرحيات التي قدمتها، قائلة: غلطة عمري أني مصورتش المسرحيات اللي عملتها، أنا عملت 15 مسرحية واللي اتصور حوالي 3 بس، ودلوقتي براجع نفسي بعد ما بقى في ميديا هتجنن ليه مسجلتهمش، ودلوقتي لو رجعت أعمل مسرح هصور اللي مصورتهوش.

وعلى جانب آخر، سبق وأن كشفت الفنانة فيفي عبده، نصيحة طبيبها الخاص بزيارة طبيب نفسي، حيث قالت في تصريحات تلفزيونية: كنت بأدي واجب ربنا ميكتبهاش على حد، وإحنا كل يوم بنأدي في واجبات وأهل بنتي فلسطينيين وكل يوم أنا في غم لدرجة إن الدكتور قال يودوني عند دكتور نفسي، من كتر ما أعصابي تعبت، مش عارفة أعمل حاجة مفيش في إيدي ولا إيد حد حاجة عمالين ندعي وده مش كفاية، وأطفال متقطعة وحاجات عمرنا ما شوفناها.

آخر أعمال فيفي عبده

ومن الجدير بالذكر أن أخر أعمال فيفي عبد في الدراما مسلسل شغل في العالي، والذي تدور أحداثه حول جليلة وشروت امرأتان مختلفتان يجمعها حظهما العثر وزيجاتهما الفاشلة فتصيران صديقتين، وتلجأن لتكوين عصابة ﻷخذ ثأرهما من الرجال، لكن الأيام تحمل لهما مفاجأة تختبر بها صداقتهما.

وشارك في بطولة مسلسل شغل في العالي عدد كبير من النجوم والنجمات، منهم: فيفي عبده، شيرين رضا، محمد رضوان، فريد النقراشي، وغيرهم.