فيفي عبده عن الحسد:«من قر الناس لما بأجي أقرأ القرآن بيقف في بوقي »

حلت الفنانة فيفي عبده ضيفة في برنامج «الراديو بيضحك»مع الإعلامية فاطمة مصطفي المذاع على الراديو 9090، وتحدثت عن الاختلاف بين الماضي والحاضر داخل الوسط الفني.

فيفي عبده:مبقاش في الحب اللي احنا متعودين عليه

وقالت فيفي عبده:الدنيا اختفلت كتير عن زمان،أولا مبقاش في حب في الوسط الفني،مبقاش في الحب اللي احنا متعودين عليه،كنا كل أسبوع بنقعد نتجمع الفنانين عند كل واحد يوم،نتجمع ونقعد مع بعض وبنحب بعض، ويمكن الدنيا اتغيرت لأن ساعتها كنت راقصة بس مكنتش بمثل،بس مازال احنا بنحب بعض جدا، الفنانين القدام يعني.

وتابعت: واللي حاصل دلوقتي أن كورونا اخدت كتير مننا، وأنا الدكتور قالي اتفرجي على حاجات تضحك من كتر ما نفسيتي تعبانة، وبقيت أجيب الحاجات اللي بتضحك، ومبسوطة جدا من المشاريع اللي معمولة في مصر، وكنت في بلد قريب الدوا هنا بـ 30 ج هناك بـ 600 درهم !، لا أروح أبوس الأرض اللي بنمشي عليها في مصر.

فيفي عبده تكشف عن تجربتها مع الحسد

وكشفت فيفي عبده عن تعرضها للحسد،فقالت:من قر الناس القرآن لما باجي أقراه بيقف في بوقي،والخرز الأزرق مش لاقياه اللي كنت بلبسه، ومحدش كان بيلبس أزرق زيي، أنا مرة كنت على المسرح عندي أغنية بتقول دق الكزبرة، ووأنا على المسرح بغنيها راح الهون اتكسر نصين، وقولتلهم ليه كدا.

آخر أعمال فيفي عبده

ومن الجدير بالذكر أن أخر أعمال فيفي عبد في الدراما مسلسل شغل في العالي، والذي تدور أحداثه حول جليلة وشروت امرأتان مختلفتان يجمعها حظهما العثر وزيجاتهما الفاشلة فتصيران صديقتين، وتلجأن لتكوين عصابة ﻷخذ ثأرهما من الرجال، لكن الأيام تحمل لهما مفاجأة تختبر بها صداقتهما.

وشارك في بطولة مسلسل شغل في العالي عدد كبير من النجوم والنجمات، منهم: فيفي عبده، شيرين رضا، محمد رضوان، فريد النقراشي، وغيرهم.