بيخبوا السكر تحت مكنة الكاشير.. نجل سامي مغاوري يفضح ماركت شهير بعد الاعتداء على والدته

وثق الفنان كريم سامي مغاوري، لحظة اعتداء ماركت شهير عليه، بعد تصويره فيديو يكشف فيه إخفائهم للسكر عن المواطنين، وتسببهم في حدوث أزمة، ففور أن رأه أحد رجال الأمن اعتدى عليه وعلى والدته.

نجل سامي مغاوري يفضح ماركت شهير 

ونشر كريم سامي مغاوري الفيديو، عبر حسابه الشخصي بموقع التواصل الاجتماعي فيس بوك، وعلق عليه قائلًا: فضيحة هايبر وان الشيخ زايد، بيخبوا السكر من الناس تحت مكنة الكاشير وبيقولوا خلص، الڤيديو واضح قدامكم صوت وصورة، ولما واجهتهم بالڤيديو شفنا كمية بلطجة من الأمن عندهم كبيرة جدًا بقيادة مدير أمن هايبر م.ش والجاردات بتوعه.

وتابع كريم سامي مغاوري: يعني إحنا مقاطعين كارفور وسبينس وأي ماركت أجنبي، والمنتجات الأجنبية بس الماركت المصري الكبير زي هايبر وان اللي بيحصل فيه ده غش، ومينفعش يتسكت عليه، ومفيش محاسبة، وطلبوا مني احذف الڤيديو إمبارح لأن بلطجية أمن هايبر الجاردات كانوا محاوطني، بس كنت أصلا رفعته على عشان عارف أن هيجبروني امسحه.

وأكمل كريم سامي مغاروي: أنا ووالدتي تم الاعتداء علينا، ووالدتي بتنزف دم من مناخيرها، من إمبارح وحقها هيجي بالقانون إن شاء الله لأن الناس المحترمة، متمدش إيدها على ست مهما حصل، لكن لأنهم ناس منعدمة الضمير وكانوا عايزين يراضوني، ونلم الليلة بـ20 كيلو سكر، أنا رفضت، وبجد مكان زي ده أولى بالمقاطعة، أنا لو دخلت كارفور أو سبينس هيتضربلي تعظيم سلام، وحاجتي تجيلي لحد عندي وباحترام، لكن أماكن بتشغل همج وسفلة وبلطجية مينفعش نتعامل معاها.

وأضاف: ده يعتبر بلاغ لوزارة التموين، ولكل جهة مسئولة، وكل شخص عنده ضمير، لازم يكشف فضيحة هايبر وان الشيخ زايد، اللي بيمنعوا سكر وزارة التموين عن الناس.