أحمد أمين: مهما عملت لأمك هتحس أنك مقصر

حرص الفنان أحمد أمين، على توجيه رسالة لكل متابعيه ومحبيه، مع اقتراب مناسبة الاحتفال بـ عيد الأم الذي يوافق يوم 21 مارس المقبل.

أحمد أمين 

وكتب «أمين»، عبر حسابه الرسمي على موقع التواصل الاجتماعي «X»: «يا بخت أي إنسان عايش في خدمة أمه.. بجد يا بخته وسعده.. ده بيبقى قاعد جنب كنز من الخير والبركة والحماية والدعاء.. بالذات لو أمه كبرت وبقت محتاجة الرعاية».

3 صفات 

ووصف أمين الأم بثلاثة صفات، وهي: «أولا: أكثر انسان تعب عشانك في الدنيا، وثانيا: أكثر إنسان بيحبك من غير سبب، وثالثا: أكثر إنسان محتاجك دلوقتي»، متابعا: «دي صفات والدتك ودي اللي انت في خدمتها.. تخيل».

عمر طويل

وأضافت: «مهما عملت هتحس أنك مقصر.. لكن هتشوف بعينك بركة خدمتها دي على كل نواحي حياتك.. وبعد عمر طويل لو مامتك مشيت من الدنيا لما هتشوف واحد في خدمة أمه هتقول له يا بختك».

ويشارك أحمد أمين ضيف شرف في مسلسل بابا جه، المقرر عرضه في شهر رمضان 2024.

مسلسل "بابا جه" بطولة أكرم حسني، نسرين أمين، سماء إبراهيم، فريال يوسف، محمود البزاوى، محمد أوتاكا والأطفال هنا، وسليم مصطفى، ولافينا نادر والعمل من تأليف وائل حمدى وإخراج خالد مرعي.