عايشة في كابوس.. فرح الزاهد تعاني من مرض نفسي

كشفت الفنانة فرح الزاهد، عن معاناتها من مرض نفسي، وهو الوسواس القهري منذ كان عمرها 7 سنوات، وذلك خلال حوارها مع الإعلاميات منى عبد الغني، وإيمان عز الدين، ومها الصغير في برنامج "الستات مايعرفوش يكدبوا" المذاع عبر قناة CBC.

وقالت فرح الزاهد : "أنا عندي وسواس قهري من وأنا عمري 7 سنين، وده مرض اسمه سرطان الأمراض النفسية، والشخص المريض به عنده اكتئاب وقلق أكيد".

فرح الزاهد تعاني من مرض نفسي

وأضافت: "الوسواس القهري مستويات وأنواع، والحمد لله أنا مش واصلة لدرجة إني مش بسلم على حد أو اللي بيغسلوا إيديهم كتير، لكن لازم أنظم نفسي جدا".

وتابعت: "أنا عايشة في كابوس طول الوقت، والأوقات اللي بفرح فيها قليلة جدا، وطول الوقت مخي شغال، وإحنا عندنا معاناة داخلية كبيرة جدا محدش يعرف عنها حاجة".

فرح الزاهد تتحدث عن حياتها الشخصية

وفي وقت سابق، تحدثت الفنانة فرح الزاهد عن عدد من كواليس حياتها الفنية والشخصية، خلال مداخلة هاتفية لبرنامج "الستات مايعرفوش يكدبوا"، المُذاع عبر فضائية"cbc"،  مساء اليوم الأحد.

وقالت فرح:"عمري ما أتنازل عن حاجة عشان راجل.. الست بتقوى بشغلها".

أضافت: "طبيعي أي حد هيقارن بينى وبين هنا الزاهد في الشخصية العادية، والناس فاضية علي السوشيال ميديا، وأول ما مثلت عارفة إن ده هيحصل".

وتابعت "أنا منظمة زيادة عن اللزوم ودي حاجة لطيفة، وعندى وسواس قهري في النظام، بعاني من النظام".