مستعد لدعم الجميع.. الفنان إيساف يدعم المنتج المصري في أعماله الفنية

في لافته رائعة أعلن الفنان إيساف جبل دعمه للمنتج المصري في أعماله الفنية، مؤكدًا أنه مستعد لدعم أي شركة مصرية حديثة أو كبيرة بالمشاركة في كليباته للدعاية عنها بالشكل الذي يليق بها، مشيرًا إلى أن المنتج المصري يتمتع بجودة عالية لا تقل عن المنتجات العالمية.

إيساف يدعم المنتج المصري في أعماله الفنية

وكتب الفنان إيساف عبر صفحته الشخصية على «فيس بوك»: «تشجيع مني للمنتجات المصرية وعمليا دعوة مني لأي منتج مصري مشاركته معي في اي عمل فني والاعلان عن المنتج من خلال كليباتي وبشكل يليق بالعمل الفني و بالمنتج المصري».

إيساف يطرح أغنيته الجديدة بعنوان «ماشية إزاي»

طرح الفنان إيساف جبل فيديو كليب أغنيته الجديدة بعنوان «ماشية إزاي»، عبر موقع الفيديوهات يوتيوب، وهي من كلمات ملاك عادل، وألحان مدين، وتوزيع أحمد عبد السلام.

وتتناول الأغنية مشاعر الحزن والألم التي يعاني منها الشخص بعد خيانة حبيبته له. يُعبّر عن مشاعره من خلال التساؤل عن كيفية سير الحياة بعد كل ما مر به.

حققت الأغنية نجاحًا كبيرًا منذ طرحها، حيث حازت على إعجاب الجمهور وتفاعله على منصات التواصل الاجتماعي.

وتقول كلمات أغنية «ماشية إزاي»

بحلم انام حبه اصحي الاقي

إن اللي عشته ده كله حلم

كل اللي شافو شريط حياتي

افتكرو اني عملت فيلم

الفرح من كتر أما بقي بيغيب عليا

النور بقي بيتعبني وبيوجع عينيا

الناس بقت تستحلي كسرة قلبي ليه!

وفي عز ما احتاجت اتسند

علي حد مني

كل اللي كان عامل حبيبي اتخلي عني

كان حبي ليهم ذنب بتحاسب عليه

هي الدنيا ماشية ازاي!

رايح ولا الطيب جاي

لو مش ناوية تيجي معايا

اعرف هي فين وانا اروح

مش هفضل كده في اوجاع

بلا احساس بقي بلا بتاع

وهعيش من النهاردة لروحي

ما انتي يا روح ما بعدك روح

ما خلاص هغير خطتي

وهعيش ولاءي لحضرتي

كل اللي كانو في دنيتي

خالوني اكون مجروح

الحزن مش سايب في جسمي

مكان مادبش من الوجع

ده قلبي ع الجرح اللي شايلو

طلع بميت راجل جدع

اتفقي يلا عليا واقفي يا دنيا ضدي

وكل ما إبني في حلم قبل ما يعلي هدي

بس المهم تكوني مبسوطه وخلاص

طب لو هترتاحي أما اموت والله عادي

كل اللي نفسك في اعملي وانا برضو راضي

بس ارحميني شوية برضو ده انا ابن ناس