مفاجأة.. البلوجر سوزي الأردنية قبل أيام من القبض عليها:«المفروض أتحجز في مصحة نفسية»

حلت البلوجر سوزي الأردنية،أمس،ضيفة في برنامجها«ضبة ومفتاح» مع الإعلامية تينا نصر، وذلك قبل أيام من القبض عليها، وتحدثت عن علاقتها بـ والدها، والمكاسب اللي حققتها من التيك توك.

قالت سوزي الأردنية:أنا انكسرت كان نفسي أبويا يطبطب عليا ويحتويني،لاني عارف قد إيه ناس كتير استغلتني،بتمنى لما أرجع البيت معاملته ليا تتغير،  ويكوت أب معايا،اللي أنا محتاجاه مش اللي على السوشيال ميديا.

وتابعت سوزي:«أنا غلطانه أني أشتم أبويا بس كل فعل له رد فعل،والناس بتهاجمني ليه الناس بتحب تطلع أي حاجة تريند،إحنا مجتمع تافه أنا مش عارفه هما طلعوني تريند ليه».

وأضافت سوزي:«ماينفعش حتى لو علشان والدي ياخد فلوسي،لان أنا في شغل الميديا بكسب في الساعة في إعلان 10 الآلف جنيه،فمش هعمل مشكلة معاه علشان مبلغ زي ده، لكن ماينفعش في كل مشكلة يقولي مش عجبك امشي من البيت، لمًا ابويا يطردني الغريب يعمل معايا إيه؟».

في مفاجأة من العيار الثقيل،كشفت البلوجر سوزي الأردنية،أنها لابد من احتجازها داخل أحد المستشفيات النفسية، قائلة:«المفروض أتحجز في مصحة الأمراض النفسية والعصبية، لأن الدكتور قالي أعصابي تعبانة، ولازم أبعد عن الناس والمجتمع ده،رفضت وقطعت علاقتي بالدكتور لأني حاسة أن هبقى حاجة كبيرة في يوم من الأيام، ومش عايزة يتقال إني كنت مريضة نفسية وبتعالج».

وذلك قبل أيام من أن تلقي جهات الشرطة القبض عليها، بعد انتشار الفيديو الأخير لها «الشارع اللي وراه»، حيث اتهمت سوزي بـ سب والدها واستغلال شقيقتها من ذوي الهمم لتحقيق الأرباح على مواقع التواصل الاجتماعي.