ميس حمدان تثير الجدل: ياريت نتجوز شوية ونطلق بعقد متجدد كل 3 أو 5 سنين

أثارت الفنانة ميس حمدان، الجدل بتصريحاتها  عن رأيها في الزواج خلال الفترة الحالية، وذلك خلال لقائها في رؤيا مصر.

وقالت ميس حمدان: إحنا ممكن نمسك العصاية من النص نتجوز شوية ونتطلق، ونعمل عقد متجدد كل 3 أو 5 سنين مع رضاء الطرفين ويتجدد، هما عايزين يجددوا يجددوا مش عايزين خلاص.

وأضافت ميس حمدان: يعني أنا بتكلم من برا مش موجودة في الموضوع، الواحد لما بيكون برا الحكاية بيقول أي كلام.

ميس حمدان تهاجم خالد يوسف

وكانت قد روت الفنانةميس حمدان عن موقف تعرضت له من المخرج خالد يوسف، لافتةً إلى أنه استمر في اقناعها لأداء المشاهد الجريئة في فيلم «ويجا».

وتابعت الفنانة ميس حمدان ، خلال برنامج " VIP" ، والمذاع على فضائية " هي " : «قعد فترة طويلة يقنعني بالدور ويقولي أنتي كدة مش فنانة وبطلوا كدة وأنتم الل بوظتوا الفن بطريقة تفكريكم دي وزمان الفنانات مكنوش بيعملوا كدة».

واستكملت: «خالد يوسف هزقني بسبب رفضي للمشاهد دي ووقتهاوطلبت منه أعرف رأي ماما».

تصريحات ميس حمدان 

واستكملت ميس حمدان: بشوف نفسي الأنسب الأحسن، وأنا بحب دنيا سمير غانم ومبقارنش نفسي بيها اطلاقا، وحجم نجاحي لا يقارن بيها، أنا عندي حاجات شايفة نفسي مؤهلة وبشدة عندي كومبو متكامل ومميزة فيه ولكن لسه مخدتش فرصتي، متقللوش من قيمتي ومش معنى لما تيجي فرصة ومحبش سيرة الفوازير ميجيبوش سيرتي ولكن أنا قادرة أعملها بشكل مختلف، وربنا كرمني بوش متغير، ومحبش أعمل سيرة ذاتية، لأن الناس هتقفلي على الواحدة ولو معملتهاش 100 % هتهاجم، بيشبهوني بـ أنغام ولبنى عبد العزيز وساعات سعاد حسني.